Biełaruski dziaržaŭny univiersitet u śpisie lepšych VNU śvietu pavodle viersii brytanskaha vydańnia Times Higher Education zaniaŭ pazicyju 1001+. Usiaho ŭ rejtynh uvajšli bolš jak 1350 ustanoŭ adukacyi, piša tut.by.
Dakładnaja pazicyja vyznačajecca tolki dla pieršych 200 ustanoŭ, astatnija raźmierkavanyja pa hrupach. Sioleta biełaruskaja VNU apynułasia ŭ śpisie «1001+», heta značyć nižej tysiačy.
Times Higher Education uklučaje ŭ svoj rejtynh BDU ad 2015 hoda. U 2017-m jon zaniaŭ miesca nižej 801 z tysiačy, prykładna takaja ž situacyja była na hod raniej. U 2018 hodzie biełaruski VNU taksama apynuŭsia ŭ śpisie «1001+».
Lidaram rejtynhu, jak i ŭ 2018 hodzie, staŭ Oksfardski univiersitet. U piaciorku taksama ŭvajšli Kalifarnijski technałahičny instytut, Kiembrydžski univiersitet, Stenfardski univiersitet i Masačusiecki technałahičny instytut.
U rejtynh taksama ŭklučany VNU krain-susiedziaŭ. Rasija tam pradstaŭlena 39 univiersitetami, ale tolki MDU imia Łamanosava trapiŭ u top-200 - jon zaniaŭ 189-y radok.
Va Ukrainie najlepšyja pakazčyki ŭ Nacyjanalnaha univiersiteta «Lvoŭskaja palitechnika» ( «801+»). Litva ŭ katehoryi «801+» pradstaŭlena Vilenskim univiersitetam, Łatvija - Łatvijskim univiersitetam.
Polšča patrapiła ŭ katehoryju «601+» - samyja lepšyja pakazčyki siarod polskich VNU ŭ Jahiełonskaha ŭniviersiteta.
Pry składańni rejtynhu aceńvajucca 13 pakazčykaŭ, jakija ŭličvajuć uzrovień vykładańnia i daśledčaj pracy, abmien viedami i mižnarodnyja pierśpiektyvy.
-
29‑hadovuju madel i psichołaha z Homiela asudzili za palityku. Mierkavana, za Hajuna
-
Jak ułady Minska zrazumiejuć, u kaho žyvuć niezarehistravanyja sabaki? Raźlik na nieabyjakavych susiedziaŭ
-
Biełaruska prasiła blizkich patrochu pieravozić u Polšču jaje źbieražeńni. A potym kupiła kvateru — i bank zabłakavaŭ 1 miljon złotych
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary