U internecie źjaviłasia videa, jakoje zapisali vučni čaćviortaha kłasa škoły №15 Homiela. Na im nastaŭnica pavodzić siabie šakujuča: kryčyć na vučniaŭ i maciukajecca.
Zapis apublikavaŭ partał Gomel.today.
Z vykazvańniaŭ nastaŭnicy možna zrazumieć, što jana niesła partu, a vučań ci to skazaŭ niešta nie toje, ci to zaśmiajaŭsia. Paśla čaho vykładčyca kinułasia na jaho z krykami «Zakryj rot!» i maciukami.
Takim čynam žančyna chacieła navučyć dziaciej pavazie.
«Pakul nie budzie pavahi, nie budzie nijakaj ruskaj movy. Pavaha važniejšaja za ruskuju!» — paviedamiła nastaŭnica.
Namieśnica dyrektara škoły №15 pa vučebna-mietadyčnaj pracy Viktoryja Bałbasava paviedamiła «Našaj Nivie»: «U nas ničoha nie adbyłosia». Paśla čaho kinuła słuchaŭku.
Dapoŭniena: Paźniej stała viadoma, što nastaŭnicu zvolnili.
Kamientary