Prezident Estonii Kierści Kaljułajd na palach štohadovaha forumu Yalta European Strategy dała intervju «Jeŭrapiejskaj praŭdzie», u jakim zajaviła, što Jeŭrasajuz stamiŭsia ad Ukrainy.
Pavodle jaje słoŭ, pryčyna kryjecca ŭ tym, što jeŭrapiejskija ŭłady na praciahu mnohich hadoŭ dajuć Kijevu tyja ž parady, adnak bačnych źmien va Ukrainie nie adbyvajecca. «My <…> nie bačym, kab Ukraina stanaviłasia mienš karumpavanaj, ekanomika — mienš aliharchičnaj i hetak dalej», — adznačyła prezident.
Kaljułajd ličyć, što asnoŭnaj zadačaj novaj ukrainskaj ułady źjaŭlajecca nieabchodnaść pakazać, što ciapier raźvićcio krainy budzie prachodzić chutčej. «Chaču padkreślić: heta nie značyć, što da hetaha času ničoha nie rabiłasia. Naadvarot, reformy, praviedzienyja za minułyja hady, stvaryli padmurak dla taho, kab zaraz atrymać vynik», — dadała jana.
Estonski lidar adznačyła, što ŭ svoj čas Estonija, ruchajučysia da členstva ŭ ES, pastajanna išła pa darozie ŭ haru. Na jaje dumku, heta pavinna rabić i Ukraina. «Rabicie toje, što vy pavinny rabić na šlachu da ES, bo ŭ lubym vypadku pavinny heta rabić. Vam treba źmianić ekanamičny klimat, treba sumlennaje pravasudździe niezaležna ad abstavin», — skazała Kaljułajd.
-
Čałaviekam, jakoha ŭčora zastrelili la rezidencyi Trampa ŭ Fłarydzie, akazaŭsia chłopiec, jaki zachaplaŭsia malavańniem paloŭ dla holfa
-
Kim Čen Yna pieraabrali na pasadu hienieralnaha sakratara Pracoŭnaj partyi KNDR
-
U Mieksicy vajskoŭcy zabili hałoŭnaha narkabarona. U adkaz jaho chaŭruśniki palać samaloty i aŭtobusy
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Kamientary