Pra heta telekanału NTV raspaviała pacyjentka pryvatnaj maskoŭskaj kliniki, dzie zaraz znachodzicca aktrysa, piša lenta.ru.
Pavodle jaje słoŭ, Zavaratniuk z 16 vieraśnia «lažyć prosta, padtrymlivajuć štučnaje dychańnie, pracu serca».
Žančyna paćvierdziła, što Anastasiju sapraŭdy špitalizavali 13 vieraśnia z dyjahnazam «hlijabłastoma» ŭ apošniaj stadyi. 14 vieraśnia aktrysu častkova paralizavała, 15 vieraśnia jaje padklučyli da aparata štučnaj vientylacyi lohkich.
Aficyjnaha paćvierdžańnia hetaj infarmacyi niama. Pry hetym 19 vieraśnia paviedamlałasia, što daktary vyznačylisia z kursam lačeńnia aktrysy. Joj pravodziać antybakteryjnuju terapiju i terapiju, nakiravanuju na karekcyju acioku mozhu.
21 vieraśnia stała viadoma, što aktrysa pieraniesła druhuju apieracyju, paśla jakoj źjaviłasia nadzieja na jaje vyzdaraŭleńnie.
Rak mozhu ŭ Anastasii Zavaratniuk vyjavili zimoj paśla taho, jak u jaje pačalisia mocnyja hałaŭnyja boli. U krasaviku Zavaratniuk pieraniesła surjoznaje chirurhičnaje ŭmiašalnictva — trepanacyju čerapa — padčas lačeńnia ŭ Hiermanii.
Kamientary