Alena Anisim nakiravała va ŭrad prapanovu adnavić orden Kastusia Kalinoŭskaha
Deputatka Pałaty pradstaŭnikoŭ Alena Anisim nakiravała aficyjny list premjer-ministru Siarhieju Rumasu z prapanovaj adnavić orden Kastusia Kalinoŭskaha. Pra heta jana paviedamiła na svajoj staroncy ŭ fejsbuku.
Čamu adnavić, a nie zasnavać? Sprava ŭ tym, što ŭznaharoda isnavała ŭ Biełarusi ź siaredziny 1990-ch. Ordenam Kalinoŭskaha źbiralisia ŭznaharodžvać za samaaddany ŭčynak, mužnaść i advahu pry vyratavańni ludziej, padčas stychijnych biedstvaŭ i h. d. Adnak jaho tak nichto nie atrymaŭ. U 2004-m uznaharodu skasavali.
Čytajcie taksama: Ordeny i kavalery Biełarusi: chto za što ŭznaharodžany
«U apošni čas u biełaruskim hramadstvie aktyŭna abmiarkoŭvajucca padziei, datyčnyja postaci Kastusia Kalinoŭskaha i jaho dziejnaści.
Uličvajučy ŭsie niuansy, źviazanyja z tym, što dziejnaść Kastusia Kalinoŭskaha zrabiła najvialikšy ŭpłyŭ na raźvićcio biełaruskaha hramadstva i ŭmacavańnie biełaruskaj identyčnaści, nakiroŭvaju Vam dla razhladu i kampietentnaj acenki prajekt Zakona ab adnaŭleńni ŭznaharody — ordena Kastusia Kalinoŭskaha», — abhruntoŭvaje deputatka ŭ svaim liście, čamu takaja ŭznaharoda musić źjavicca.
Za što Alena Anisim prapanuje ŭručać uznaharodu?
- Za asablivyja zasłuhi ŭ zaćviardžeńni i abaronie dziaržaŭnaha suvierenitetu, terytaryjalnaj cełasnaści, va ŭmacavańni abaronazdolnaści i biaśpieki Respubliki Biełaruś;
- Za značny ŭkład u raźvićcio demakratyi i sacyjalnaha prahresu, praviadzieńnie sacyjalna-ekanamičnych i palityčnych reformaŭ, aktyŭnuju dziejnaść pa abaronie pravoŭ i svabod čałavieka.
Pietycyja z takoj ža prapanovaj raniej ź'viłasia na petitions.by.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary