Łukašenka — Zialenskamu: Usio, pra što my damovimsia, budzie vykonvacca
Usie damoŭlenaści pamiž Biełaruśsiu i Ukrainaj buduć vykonvacca. Pra heta Alaksandr Łukašenka zajaviŭ siońnia na pieramovach u vuzkim składzie z prezidentam Ukrainy Uładzimiram Zialenskim, pieradaje BIEŁTA.
«Usio, pra što my damovimsia, budzie vykonvacca. Chaču zapeŭnić, što my śviata budziem vykonvać našy damoŭlenaści», — skazaŭ kiraŭnik biełaruskaj dziaržavy.
Alaksandr Łukašenka padziakavaŭ Uładzimiru Zialenskamu ad imia ŭsioj biełaruskaj delehacyi, adznačyŭšy, što ŭ Žytomir usiaho pryjechali amal paŭtysiačy čałaviek.
«Na blizkuju nam, možna skazać, rodnuju ziamlu. I vy vielmi tonka zaŭvažyli, pravilna, što ŭ nas, niahledziačy na tuju miažu, jakuju nas byccam by prymusili vybudavać, pamiž ludźmi niama nijakich miežaŭ, kardonaŭ. My sapraŭdy razumiejem adzin adnaho. Choć i razmaŭlajem na roznych movach, jany blizkija i zrazumiełyja našym ludziam», — skazaŭ jon.
Łukašenka adznačyŭ, što šmat chto budzie pisać pra toje, što adbyłosia znajomstva dvuch prezidentaŭ. «Ničoha padobnaha. My z vami znajomyja vielmi daŭno. Praŭda, zavočna. Siońnia my sustrakajemsia tut sam-nasam dla taho, kab jašče raz źvieryć hadzińniki, prajścisia pa paradku dnia našych adnosin i damovicca», — padkreśliŭ biełaruski lidar.
«Nam historyja dała taki šaniec: damoviŭšysia, vykanać na karyść našych narodaŭ», - dadaŭ Alaksandr Łukašenka.
Jon adznačyŭ, što dla Biełarusi jość nie tolki prahmatyčnaja asnova ŭzajemadziejańnia z ukrainskaj dziaržavaj i narodam Ukrainy. «Hetaja hłybokaja vialikaja ideałohija zasnavana na historyi, jakuju my z vami pieražyli. Dy i ciapier nam niaprosta. Usie prablemy, jakija jość u nas i ŭ vas, my pieražyvajem razam. Chaču vas zapeŭnić: vy nikoli nie mieli prablem z terytoryjaj Biełarusi i ź Biełaruśsiu i vy nikoli nie budziecie ich mieć. My zaŭsiody budziem samymi dobrymi i nadziejnymi vašymi prychilnikami, partniorami. i kali novaja ŭłada Ukrainy zachoča mieć z nami brackija ciesnyja adnosiny, za nami sprava nie stanie», — zapeŭniŭ kiraŭnik dziaržavy.
Kamientary