«Što nas, biełarusaŭ, uraziła, dyk heta skandynaŭskija sekand-chendy»
Tut pradajuć absalutna ŭsio i absalutna ŭsio za kapiejki pa ich i navat našych mierkach. Tam, akramia vopratki, pradajucca knihi, cacki, nastolnyja hulni, pradmiety interjera, kuchonnaje načyńnie i usialaki chendmejd. Vyšytyja nastolniki i tkanyja ručniki možna kupić za 5 jeŭra, sierviz z 22 pradmietaŭ za 15 jeŭra, i heta chiba samaje darahoje, što tam jość. Za 5 jeŭra pradajucca nie tolki babuliny kresły, ale i skuranyja kanapy, jakija patrabujuć adno tolki pafarboŭki, kab znoŭ być, jak novyja. Kuchonnyja pradmiety kaštujuć ad 20 centaŭ.
Čamu ŭsio takoje tannaje, choć u kramach samy tanny chleb kaštuje kala 2 jeŭra? Adkaz prosty. Dla skandynavaŭ takija sekandy — prajava ich ekałahičnaj śviadomaści. Rečy ŭ sekand zdajucca biaspłatna, a sekand u svaju čarhu nie załomvaje ceny navat na samyja lepšyja pradmiety, kab jany dalej kuplalisia. Niekatoryja skandynaŭskija brendy navat zaklikajuć na birkach svajoj vopratki prynieści jaje nazad, kali nadakučyć. I hetych brendaŭ paśla šmat u sekandzie.
Mnie vielmi chaciełasia kupić korab z łazy dla droŭ u chacie, staruju matałku dla pražy (prynadziłasia b dla tkactva, bo ŭ mianie takoha pradmietu niama) i kłaśniučuju hlinianuju talerku. Ale kupiła toje, što lohka možna pryvieźci i pravieźci if u know what I mean: paru drobiaziaŭ dla kuchni, zavušnicy, žakiet i knižku-pokietbuk. Za ŭsio 10 jeŭra. Adna pracoŭnaja hadzina pa tutejšych rascenkach.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary