Pientahon zajaviŭ ab amierykanskich vojskach, što trapili ŭ pastku ŭ Siryi
Vajskoŭcy ZŠA, jakija znachodziacca ŭ Siryi, apynulisia zacisnutyja pamiž tureckimi vojskami, jakija viaduć apieracyju suprać kurdskich arhanizacyj, i siryjskaj armijaj, zajaviŭ kiraŭnik Pientahona Mark Eśpier u efiry telekanała Fox News.
Na dumku kiraŭnika viedamstva, amierykanskija vajennyja znachodziacca «ŭ pastcy» pamiž vajskoŭcami dźviuch krain. Heta składanaja situacyja dla ZŠA, pakolki abodva baki źjaŭlajucca sajuznymi, adznačyŭ Eśpier. Ministr abarony nazvaŭ situacyju «žachlivaj», adznačyŭšy, što jana stanovicca «z kožnaj hadzinaj usio horšaj».
«My nie padpisvalisia vajavać z Turcyjaj, daŭnim sajuźnikam NATA, u intaresach «Siryjskich demakratyčnych sił», — zajaviŭ Eśpier, dadaŭšy, što Vašynhton nie maje dastatkova siłaŭ u rehijonie, kab spynić turecki nastup. Pa słovach ministra abarony, amierykanskija vajennyja paśla vyvadu z zony bajavych dziejańniaŭ nie pakinuć całkam krainu, a nakirujucca na poŭdzień Siryi.
Raniej Reuters sa spasyłkaj na krynicy ŭ administracyi ZŠA paviedamiŭ, što Złučanyja Štaty płanujuć u bližejšy čas vyvieści vialikuju častku amierykanskich vojskaŭ z poŭnačy Siryi. Ab vyvadzie kala 1 tys. vajskoŭcaŭ krainy ŭ maksimalna chutkija terminy zajaŭlaŭ napiaredadni i Eśpier.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary