IT-pradprymalnik Viktar Prakapienia paśla narady ŭ prezidenta padzialiŭsia ŭ Fejsbuku svaim bačańniem ab refarmavańni sistemy adukacyi.
- Na naradzie prezident paćvierdziŭ, što adukacyi budzie nadavacca samaja pilnaja ŭvaha i płanujecca praviadzieńnie jak minimum jašče adnoj narady pa hetym pytańni.
Što b mnie chaciełasia abmierkavać na takoj naradzie:
1. Pierafarmatavać Naziralnuju radu Ministerstva adukacyi. Dadać niezaležnych ekśpiertaŭ, pierahledzieć skład i strukturu Rady i h. d.
2. Dazvolić sponsarskuju dapamohu va ŭstanovy adukacyi (UA) pa sproščanaj schiemie. Jany biez prablem prymajuć ad kampanij soft, siertyfikaty na kursy i h. d.
3. Vyjavić biurakratyčnuju dakumientalnuju nahruzku na piedahohaŭ. Pravieści niezaležny aŭdyt dakumientazvarotu ŭ sistemie adukacyi. Nie ŭvodzić novych licenzij i rehulavańnia - dosyć taho, što jość. Halina pavinna być volnaja dla chutkaha raźvićcia.
4. Spraścić akredytacyju dla pryvatnych UA. Ich možna pieravieści ŭ PVT i nadzialić statusam «ekśpierymientalnaj» placoŭki.
5. Uvieści typavuju damovu pamiž škołaj i baćkami.
6. Raźmiežavać, chto za što adkazvaje, prapisać mahčymyja kanfliktnyja situacyi i šlachi ich vyrašeńnia. Terytoryja škoły — zona adkaznaści piedahohaŭ, pa-za joj — baćkoŭ, jakich treba ŭciahnuć u adukacyjny praces.
7. Raspracavać ałharytmy pracy ŭ situacyi z supraćpraŭnymi dziejańniami vučnia ŭ dačynieńni da nastaŭnika ci inšych vučniaŭ. Mietodyki, jakija jość, nie pracujuć.
8. Źmianić strukturu UA ŭ krainie. Prybrać rajonnyja adździeły adukacyi, padparadkavać usie ŭpraŭleńnia adukacyi ministerstvu. Dać kožnaj škole svoj bałans, rachunak u banku, abaviazać publikavać spravazdačnaść i sistemu premij nastaŭnikam.
9. Zrabić adkrytaj statystyku pa kirunkach dziejnaści sistemy adukacyi, uklučajučy pytańni achovy dziacinstva, abarony dziaciej i ich pravoŭ. Dapoŭnić sajty ŭsich arhanizacyj sistemy Minadukacyi raździełami «statystyka» i abnaŭlać ich.
10. Publikavać źviestki ab finansavańni škoły i vydatkach. Heta ŭzmocnić davier baćkoŭ da administracyi, dapamoža zrazumieć patrebu ŭ finansavańni.
11. Padniać nastaŭnikam zarpłatu. Siaredni zarobak nastaŭnika - 886 rubloŭ. Siaredni zarobak u krainie - 1117 rubloŭ. Treba 186 miljonaŭ dalaraŭ u hod, kab padniać zarpłatu nastaŭnikaŭ da siaredniaj u krainie. Kali zychodzić z suśvietnaha vopytu, dyk jak tolki zarpłata nastaŭnika dasiahaje siaredniaj, sistema adukacyi jakasna mianiajecca.
12. Zrabić prazrystym premiravańnie piedahohaŭ. Jany časta nie viedajuć, za što atrymlivajuć hrošy, usio na vodkupie kiraŭnika, što naradžaje lubimčykaŭ i pryhniečanych.
13. Ukaranić u škołach dystancyjnuju adukacyju, spraścić i zrabić elektronnaj damovu ab takim navučańni. Dzieci z roznych krain zmohuć vučycca ŭ nas.
14. Maksimalna abličbavać kantent. Vučebnaja prahrama pavinna być dastupnaja ź luboj kropki śvietu, u luby čas, ź luboj pryłady.
15. Zrabić pracu nad zadańniami kamandnaj. Bolšaść zadańniaŭ vučni robiać indyvidualna. Treba dadać zaniatki, dzie jany vyrašajuć prablemy u hrupach.
16. Uvieści rańniuju prafilizacyju. Pryciahnuć da hetaha kampanii, zacikaŭlenyja ŭ vyjaŭleńni adoranych dziaciej. Dzieci pavinny razumieć, jak budzie vyhladać ich budučaja prafiesija. Naviedvajučy pradpryjemstva, jany mohuć zrabić śviadomy vybar.
17. Pierahledzieć padručniki, adaptavać pad nas najlepšyja zamiežnyja dapamožniki i zaprasić najlepšych suśvietnych aŭtaraŭ da stvareńnia biełaruskich padručnikaŭ.
18. Dazvolić piedahoham farmavać da 30% tem pa svaich pradmietach.
19. U starejšych kłasach dazvolić vučniam vybirać da 30% dyscyplin, admaŭlacca ad adnych na karyść inšych.
20. Uvieści ŭ škołach «Asnovy viadzieńnia biźniesu». Univiersiteckuju prahramu dapoŭnić dyscyplinami, kab z dypłomam bakałaŭra atrymlivać dypłom pa biźnies-administravańni (pa žadańni) i mnohaje inšaje.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary