Prajeŭrapiejski kandydat maje šaniec na pieramohu na vybarach mera Kišyniova
Pieršyja miascovyja vybary adbylisia ŭ Małdovie paśla prychodu da ŭłady kaalicyi prajeŭrapiejskich i prarasijskich sił, jakaja adchiliła ad ułady aliharchičnuju hrupoŭku Ułada Płachatniuka.
U Kišyniovie ŭ druhi tur vyjšli kandydat ad prarasijskaj Sacyjalistyčnaj partyi z 40% hałasoŭ i dziejny ministr unutranych spraŭ krainy Andrej Nestase ad prajeŭrapiejskaj kaalicyi ACUM z 31% hałasoŭ. Jašče 15% hałasoŭ sabrali kandydaty ad «unijanisckich» nacyjanalistyčnych partyj, jakija vystupajuć za ŭźjadnańnie Małdovy z Rumynijaj. Ich vybarcy nie hałasujuć za sacyjalistaŭ, tamu Nestase maje mocnyja šancy na pieramohu ŭ druhim tury.
U toj ža čas na vybarach u haradskuju radu Kišyniova ni sacyjalisty (38% hałasoŭ), ni ACUM (33%) nie sabrali bolšaści i buduć vymušanyja farmiravać kaalicyju z unijanistami ź Libieralnaj partyi i Partyi nacyjanalnaha adzinstva (6% i 3%) abo navat z Płachatniukovaj Demakratyčnaj partyjaj (4%).
U druhim pa pamiery horadzie krainy, Bielcach, ź vialikim adryvam pieramoh biznesoviec Renata Usaty, jakoha vinavaciać u suviaziach z mafijaj.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary