Kiraŭnik administracyi prezidenta Natalla Kačanava sustrełasia z maci asudžanych pa artykule 328, pieradaje BiełTA.
Dyjałoh praciahvaŭsia bolš za 2 hadziny. Kiraŭnik administracyi zapeŭniła maci, što pytańnie baraćby z raspaŭsiudžvańniem narkotykaŭ znachodzicca na kantroli na samym vysokim uzroŭni.
«Kiraŭnik dziaržavy ŭ kursie ŭsiaho taho, što my z vami abmiarkoŭvali raniej. Usie pytańni adpracoŭvajucca samym dbajnym čynam. Bo dla taho, kab prymać rašeńni, patrebna surjoznaja analityka. Treba skazać, što ŭžo značna źniziłasia kolkaść złačynstvaŭ siarod niepaŭnaletnich. Kali ŭ 2014 hodzie ŭ miedycynskija ŭstanovy ź pieradaziroŭkaj trapiŭ 1351 čałaviek, ź ich 223 niepaŭnaletnich, to ŭ 2018-m — 327, ź ich 11 niepaŭnaletnich. u nas hibiel niepaŭnaletniaha ad pieradaziroŭki narkotykami apošni raz była ŭ 2014 hodzie», — skazała jana.
Natalla Kačanava akcentavała ŭvahu na tym, što ŭ prafiłaktyčnuju pracu pavinny być uciahnutyja usie zacikaŭlenyja: siamja, ustanovy adukacyi, ministerstvy i viedamstvy. Tolki heta dazvolić dasiahnuć vynikaŭ.
«Raskažycie mnie pra tyja pytańni, jakija vas turbujuć. U tym liku my padumajem, jak nam vykarystoŭvać u prafiłaktyčnaj rabocie vašy vopyt i viedy», — skazała Kačanava.
U svaju čarhu maci asudžanych pa 328 artykule prapanavali źviarnuć asablivuju ŭvahu na pytańni ŭviadzieńnia adzinych umoŭ utrymańnia ŭ kałonijach, razhledzieć mahčymaść bolš praciahłych telefonnych razmoŭ źniavolenych sa svajakami. Jany taksama prapanavali ŭnieści źmieny ŭ 4 častku 328 artykuła, tłumačačy heta tym, što čaściakom niepaŭnaletnija prosta šukajuć pracu ŭ internecie i traplajuć na vudu narkadzialcoŭ.
«Možacie być upeŭnieny, što ŭsie hetyja pytańni buduć abmierkavany i praanalizavany. Kali budzie takaja nieabchodnaść, my z vami sustreniemsia znoŭ», — reziumavała Natalla Kačanava.
Kamientary