Adkul źjaviŭsia fejk, što padčas pierapisu 60% nasielnictva nazvali biełaruskuju movu rodnaj?
Dziŭnyja ličby prahučali ŭ efiry pieradačy «Naša ranica» na telekanale ANT. Na ich adreahavali karystalniki sacyjalnych sietak. Adnyja ŭspryniali infarmacyju z zachapleńniem, inšyja — prarasijskija elemienty — ź nianaviściu.
«Pa statystycy biełaruskuju movu ličać rodnaj bolš za 5 miljonaŭ čałaviek, heta 60% biełarusaŭ», — zajaviła viadučaja Lucyja Hieraščanka.
U Biełstacie kažuć, što statystyku, atrymanuju padčas pierapisu-2019, jašče nie publikavali.
«Danych hetaha pierapisu nasielnictva zaraz niama i być nie moža, tamu što prachodzić apracoŭka. I pieršyja papiarednija danyja my abvieścim u lutym 2020 hoda, a bolš šyrokija ličby budziem davać u vieraśni 2020 hoda», — prakamientavała «Našaj Nivie» pres-sakratar Biełstata Taćciana Łapkoŭskaja.
Apošniaja statystyka pa rodnaj movie źbirałasia padčas pierapisu 2009 hoda. Tady biełaruskuju movu paznačyli rodnaj 5 058 334 žychary krainy (53,22%).
Najchutčej, Lucyja Hieraščanka mieła na ŭvazie tyja ličby, praŭda, nabłytała pracenty.
Kamientary