«U mianie taksama abvastryłasia chvaroba». Naziralnika, jaki źniaŭ na videa sprobu ŭkidu biuleteniaŭ, naviedali naziralniki ABSIE
Fota Uładzia Hrydzina
«Ja raskazaŭ naziralnikam ABSIE, jak idzie hałasavańnie. Skazaŭ, što taksama vielmi pieražyvaju i kiepska splu», — kaža Jury Vaščančuk, jaki praciahvaje nazirańnie na ŭčastku, dzie źniaŭ na videa dziaŭčynu, jakaja nibyta sprabuje ŭkinuć stos biuleteniaŭ u skryniu, piša Radyjo Svaboda
Kiraŭnica CVK Lidzija Jarmošyna 14 listapada nazvała dziejańni Juryja Vaščančuka niedapuščalnymi i zajaviła, što jaho treba pazbavić akredytacyi.
Taćciana Mosina, staršynia kamisii i dyrektarka dziciačaha sadka, dzie pracuje hierainia videa Anastasija Kuličkova, zajaŭlaje, što dziaŭčyna nie vinavataja — maŭlaŭ, «čałaviek vinavaty, kali jaho złavili za ruku». Jana paviedamiła, što dziaŭčyna mocna pieražyvała i nie vyjšła na pracu na nastupny dzień.
Juryj Vaščančuk kaža, što naziralniki ABSIE pytalisia ŭ jaho pra ŭmovy pracy i jak jon pačuvajecca. Jon skazaŭ, što ad pieražyvańniaŭ u jaho abvastryłasia chvaroba.
«Ja pieražyvaju za toje, što adbyvajecca, kiepska pačuvajusia, kiepska splu», — kaža Jury.
Aŭtar rezanansnaha videa naziraje ad kampanii «Prava vybaru» na ŭčastku № 37 Bresckaj-Uschodniaj akruhi № 3. Jon užo maje papiaredžańnie ad učastkovaj kamisii, jakoje atrymaŭ 14 listapada.
U toj ža čas paśla jahonaj skarhi na razychodžańnie vynikaŭ nazirańnia z pratakołam vybarčaj kamisii pratakoł za 13 listapada vypravili. U pieršaj viersii było paznačana 65 čałaviek, u vypraŭlenaj — 34 vybarniki. Heta adpaviadaje vynikam nazirańnia Vaščančuka.
«U jaje niervovy zryŭ». Dziaŭčyna sa stosam biuleteniaŭ z Bresta nie vyjšła na pracu
Jarmošyna pra ŭkid biuleteniaŭ u Breście: Naziralnika treba pazbavić akredytacyi
Naziralnik, jaki źniaŭ na videa ŭkid biuleteniaŭ u Breście, raskazaŭ usie padrabiaznaści historyi
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary