700 rubloŭ i mabilny telefon - u takuju canu 44-hadovaj žycharcy Połackaha rajona abyšłasia pajezdka pa zimovyja rečy dla svajoj siamji, piša Źviazda.
Žančyna, pryjechaŭšy ŭ horad, vyrašyła naviedać pryvakzalnuju kaviarniu. Tam jana stała aktyŭna nalahać na śpirtnyja napoi. Kali ad vypitaha mocna spjanieła, kasir paprasiła vypadkovaha naviedvalnika ŭstanovy dapamahčy klijentcy vyjści na vulicu. Jon pahadziŭsia, i ŭžo ŭdvaich jany adpravilisia na pasadačnuju płatformu. Tam džentlmienskaja pavodziny mužčyny skončyłasia. Znajšoŭšy momant, jon zabraŭ sumku svajoj novaj znajomaj i zajšoŭ u sałon aŭtobusa.
Abakradzienaja žančyna zastałasia biez svaich rečaŭ, ale nie pa-za ŭvahaj. Na hety raz — užo supracoŭnikaŭ milicyi. Tolki pravioŭšy noč u adździaleńni i praćvierazieŭšy, jana ŭspomniła pra źniknieńnie majomaści i hrošaj i źviarnułasia z zajavaj ab kradziažy ŭ Połacki RAUS.
Jak ustanavili apieratyŭniki, amataram čužoha dabra akazaŭsia niepracujučy žychar Šumilinskaha rajona 1960 hoda naradžeńnia. Jon pryznaŭsia, što nie čakaŭ ubačyć u sumcy žančyny takuju vialikuju sumu, jakuju da momantu svajho zatrymańnia ŭžo paśpieŭ patracić. Znajšoŭ novaha ŭładalnika i vykradzieny ŭ paciarpiełaj mabilny telefon. Takim čynam, viačorki ŭ kaviarni vylilisia dla žančyny ŭ 940 rubloŭ. U dačynieńni da padazravanaha raspačata kryminalnaja sprava.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary