Dyrektar «Słavianskaha bazaru»: Možam zaprasić i Ramštajn, i Madonnu. Pytańnie ŭ tym, dzie na ich uziać hrošy?
U supołcy «Słavianski bazar» ŭ «Kantakcie» arhanizatary fiestyvalu zapuścili apytańnie. Im cikava daviedacca mierkavańnie hledačoŭ, kaho zaprasić hościem na fiestyval u 2020 hodzie.
Hledačy vykazvajuć žadańnie ŭbačyć u Viciebsku Rammstein, BrainStorm, Eminema, Łaru Fabijan, Madonnu, Džaścina Cimbierłejka, Leni Kravica.
«Naša Niva» zapytałasia ŭ dyrektara fiestyvalu Hleba Łapickaha, ci realna vykanać pažadańni hledačoŭ?
«Adnaho žadańnia hledačoŭ i majho žadańnia mała. Kab zaprasić zorak suśvietnaj vieličyni, patrebny značnyja finansavyja mahčymaści. Pry hetym musiać być adekvatnyja košty na kvitki i prajekt u cełym pavinny akupicca. Budziem pracavać nad hetym», — adkazvaje Hleb Łapicki.
Siarod rasijskich zorak viciebskija hledačy nazvali «Nensi», «Bieły aroł», Natašu Karalovu, Stasa Michajłava, Marynu Dziaviatavu, Michaiła Bublika.
Ź biełarusaŭ zhadvaŭsia hurt «Dzieciuki».
«Viadoma, chočacca pačuć novyja imiony, ale, jak pakazvaje praktyka, u 90% vypadkaŭ hledačy vykazvajucca za tych artystaŭ, jakija nieadnojčy ŭžo pryjazdžali ŭ Viciebsk», — padsumavaŭ dyrektar fiestyvalu.
Vykazać svajo mierkavańnie i pabačyć pažadańni inšych hledačoŭ možna tut.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary