Alaksandr Łukašenka sabraŭ naradu ab raźvićci sistemy ŭradavaj suviazi, pieradaje BiełTA.
«Ja chacieŭ by ŭ raźvićcio našaj razmovy, kali my naviedvali adpaviednyja abjekty abaronienaj suviazi, pahavaryć siońnia ab dalejšych našych krokach, u tym liku ab niedachopach. Ja tady vam skazaŭ, što my surjoznym čynam voźmiem na kantrol rabotu KDB, inšych struktur, jakija zajmajucca raspracoŭkaj abaronienaj suviazi, u tym liku ŭradavaj», — adznačyŭ kiraŭnik dziaržavy.
Alaksandr Łukašenka padkreśliŭ, što ŭ hetym kirunku ŭžo niamała zroblena: «U prezidenta na stale raspracoŭki stacyjanarnaj ajčynnaj suviazi, usie vyšejšyja słužbovyja asoby, členy ŭrada majuć niadrennuju stacyjanarnuju suviaź. Ale samaje hałoŭnaje, što my ŭ dadzienym vypadku absalutna niezaležnyja. My stvaryli svaje sistemy suviazi, svaje centry šyfravańnia infarmacyi, niedastupnyja dla raźviedak inšych dziaržaŭ».
«Zroblena niamała, ale daloka nie ŭsio. My siońnia robim i testujem niekatoryja sistemy nie stacyjanarnaj, a mabilnaj suviazi. U kožnaha siońnia mabilny telefon — uziaŭ, patelefanavaŭ — uvieś śviet viedaje, pra što ty kažaš. Treba stvaryć takuju suviaź, ale abaronienuju, jak u narodzie kažuć, sakretnuju suviaź. My testujem takuju suviaź. Jość, viadoma, šerah niedachopaŭ. Pra heta taksama my siońnia adkryta pavinny pahavaryć», — skazaŭ biełaruski lidar.
U žniŭni hetaha hoda Alaksandr Łukašenka naviedaŭ adzin z abjektaŭ uradavaj suviazi Kamiteta dziaržaŭnaj biaśpieki. Tady jamu paviedamili, što ŭ vyniku realizacyi dziaržaŭnych prahram ažyćcioŭleny pierachod ad staroha anałahavaha da ličbavaha abstalavańnia, zabiaśpiečana jaho impartazamiaščeńnie šlacham raspracoŭki i ŭvodu ŭ ekspłuatacyju ajčynnych uzoraŭ techniki i aparatury šyfravańnia. Kiraŭniku dziaržavy taksama było dałožana ab raspracoŭcy sistem ruchomaj uradavaj radyjosuviazi, prademanstravana liniejka srodkaŭ suviazi i aparatury šyfravańnia, u tym liku abaronienaj mabilnaj telefonnaj suviazi.
Kamientary