«Dakumient ab vydzialeńni Biełarusi druhoha tranša rasijskaha kredytu płanujecca padpisać u najbližejšyja dni», ‑‑ paviedamiŭ Siarhiej Sidorski.
Dakumient ab vydzialeńni Biełarusi druhoha tranša rasijskaha kredytu ŭ pamiery 1 młrd. dalaraŭ ZŠA dla padtrymańnia kursu biełaruskaha rubla płanujecca padpisać u Maskvie ŭ najbližejšyja dni.Pra heta paviedamiŭ žurnalistam premjer‑ministr Biełarusi Siarhiej Sidorski padčas vizitu ŭ Sankt‑Pieciarburh 27 lutaha.
«Našy ekśpierty ciapier znachodziacca ŭ Maskvie, kab užo siońnia‑zaŭtra padpisać hety dakumient», — cytuje Sidorskaha RIA Novosti.
Premjer nahadaŭ, što zhodna z damoŭlenaściu prezidentaŭ dźviuch krain hetyja srodki pavinny byli pastupić u Biełaruś u lutym. Adnak Ministerstva finansaŭ Rasii, paviedamiŭ Sidorski, źviarnułasia da biełaruskich partnioraŭ z prośbaj raździalić ich na dva tranšy — pa 500 młn. dalaraŭ u lutym i sakaviku.
Pieršy tranš stabilizacyjnaha kredytu — 1 młrd. dalaraŭ — pastupiŭ u Biełaruś u listapadzie 2008 hoda.
Akramia taho, biełaruskija ŭłady zapytali ŭ Rasii kredyt u pamiery 100 młrd. rasijskich rubloŭ u abmien na pierachod na raźliki ŭ rublach va ŭzajemnym handli. Rašeńnie pa hetym zapycie pakul nie pryniataje, zaznačaje RIA Novosti.
«Va ŭmovach finansavaha kryzisu my b mahli na placoŭcy Rasija—Biełaruś dastatkova efiektyŭna pracavać z rasijskimi rublami, — skazaŭ Sidorski ŭ Sankt‑Pieciarburhu. — U asnoŭnym pa prapłatach, jakija robiacca Biełaruśsiu pa asobnych hrupach tavaraŭ, niama nieabchodnaści pracavać praz vašynhtonskuju sistemu bankaŭ. Na praciahu lutaha — sakavika my pavinny vyjści na placoŭku adkryćcia pracy biełaruska‑rasijskich tavaraŭ va ŭmovach kryzisu. U lutym — sakaviku realna zapuścić 100 miljardaŭ rasijskich rubloŭ u tavaraabarot pamiž našymi dziaržavami».
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12
Kamientary