Krynicy: U Biełarusi chočuć skaracić terminy kredytnych rasterminovak da pary miesiacaŭ
U Biełarusi źbirajucca zabaranić kredytnyja rasterminoŭki ŭ kramach bolš čym na 3—4 miesiacy — narada pa hetaj temie prajšła ŭ Ministerstvie handlu i antymanapolnaha rehulavańnia na minułym tydni.
Pra heta paviedamlaje ŭ svaim telehram-kanale žurnalist Arciom Harbacevič.
«Zdajecca, pryncypovaje rašeńnie pryniataje i pytańnie tolki ŭ tym, kali jaho ŭvodzić: ciapier ci paśla prezidenckich vybaraŭ», — piša jon sa spasyłkaj na krynicy.
Pryčyny abmiežavańnia nie jasnyja, u kułuarach namiakajuć na toje, što pad prezidenckija vybary ŭ krainie pačali drukavać hrošy, a Nacbank baicca nie ŭtrymać kurs i šukaje mahčymaściaŭ źmienšyć cisk na rubiel.
«Naša Niva» źviarnułasia ŭ Ministerstva handlu z prośbaj patłumačyć namiery abmiežavać terminy rasterminovak.
«Biez kamientaroŭ, bo heta pracoŭnyja momanty. Razhlad pytańniaŭ, vynikaŭ jakoha my pakul nie možam abnarodavać», — adkazali ŭ pres-słužbie.
Kamientary