Pasažyrka taksi ŭ Maładziečnie skrała hrošy z zabytaha ŭ sałonie kašalka
Pravaachoŭnikam Maładziečna ŭdałosia za niekalki hadzin raskryć kradziež hrošaj z zabytaha ŭ sałonie taksi kašalka, paviedamili BiełTA va UUS Minabłvykankama.
U milicyju z zajavaj ab kradziažy hrošaj źviarnuŭsia 19-hadovy žychar vioski Krasnaje. Małady čałaviek raspavioŭ, što ŭ taksi ŭ jaho vykrali 140 rubloŭ. Hrošy, pa słovach pasažyra, byli ŭ kašalku, jaki jon pakinuŭ na zadnim siadzieńni. Da pryjezdu śledča-apieratyŭnaj hrupy kiroŭca z paciarpiełym sami znajšli ŭ aŭtamabili zabyty kašalok. Jon byŭ schavany pamiž śpinkaj i siadzieńniem, ale hrošaj ŭsiaredzinie nie było.
Supracoŭniki kryminalnaha vyšuku vyjavilili, što da kradziažu hrošaj datyčnaja biespracoŭnaja 28-hadovaja žycharka Maładziečna. Jak vyśvietliłasia, paśla chłopca na zadnim siadzieńni taksist padvoziŭ maładuju paru. Klijenty pamylilisia, nazvaŭšy nieisnujučy numar doma. Aŭtamabil para pakinuła ŭ adnym z dvaroŭ pa vulicy Mira.
Apieratyŭnikam udałosia vyznačyć mierkavany maršrut pasažyraŭ i ich mahčymaje miescaznachodžańnie. Praź niekalki hadzin žančyna była zatrymanaja i dastaŭlenaja dla raźbiralnictva ŭ Maładziečanski RAUS. Jana raskajałasia i dobraachvotna vydała vykradzienyja hrošy. Učynak dziaŭčyna patłumačyła tym, što na avanturu jaje paciahnuła, bo była napadpitku.
U dziejańniach fihurantka pravaachoŭniki bačać prykmiety składu złačynstva, praduhledžanaha č.1 art.205 KK (kradziež). Raniej dziaŭčyna ŭ pole zroku pravaachoŭnych orhanaŭ nie traplała.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary