Sabaku ŭ horadzie Stanfard-le-Chop u anhlijskim hrafstvie Eseks pakinuli adnaho doma haspadary. Niejkim čynam sabaka parody chaski ŭklučyŭ mikrachvaloŭku, z-za čaho pačaŭsia pažar, piša Bi-bi-si
Jak vyśvietliłasia paźniej, haspadar pakinuŭ u mikrachvaleŭcy ježu, a sama ZVČ-pieč była padklučana da sietki.
Upakoŭka bułak, što lažała ŭ mikrachvaleŭcy, zaharełasia, pačaŭsia pažar.
Haspadar daviedaŭsia pra toje, što adbyvajecca ŭ domie, dziakujučy mabilnamu dadatku z funkcyjaj apaviaščeńnia pra pažar.
Jak paviedamili ŭ pažarnaj słužbie, dziakujučy dadatkam i ŭstalavanaj u domie kamiery videanazirańnia, supracoŭniki ekstranaj słužby pierad vyjezdam zmahli atrymać ujaŭleńnie ab maštabach zdareńnia.
Pa raskazach pažarnych, kali jany pryjechali na miesca, usia kuchnia była ŭ dymie. Jany adrazu ž pravieryli, ci nie raspaŭsiudziŭsia ahoń na inšyja pakoi i pamiaškańni ŭ domie.
Jak udakładnili pažarnyja, sabaka nie paciarpieŭ padčas uzharańnia ŭ domie.
U pažarnaj słužbie nazvali zdareńnie «vielmi dziŭnym vypadkam».
«Hety vypadak dakazvaje, što mikrachvaloŭka nie pavinna vykarystoŭvacca dla zachoŭvańnia praduktaŭ, i ŭ joj ničoha nie pavinna znachodzicca, kali jana nie vykarystoŭvajecca», — zajavili ŭ pažarnaj słužbie.
«Žyvioły i dzieci mohuć uklučyć pieč, i dla ich zrabić heta značna lahčej, čym vy dumajecie», — padkreślili ŭ pažarnaj słužbie.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ5
Kamientary