Bratam Urbanovičam dali pa 765 rubloŭ štrafu za šturchańnie dźviarej
Administracyjnuju spravu lidara «Maładoha frontu» Dzianisa Urbanoviča i jaho brata Maksima Urbanoviča razhledzieli siońnia ŭ sudzie Centralnaha rajona Minska. Na abaroncaŭ Kurapataŭ skłali pratakoły za nibyta drobnaje chulihanstva pa art. 17.1 KaAP, paviedamlaje spring96.org
Chłopcaŭ abvinavacili ŭ tym, što jany 8 listapada na akcyi «Sustreča svabodnych ludziej» šturchali dźviery haradskoj Ratušy, kali braty kinulisia ratavać Andreja Šarendu, jakoha supracoŭniki AMAPa zaciahnuli ŭ budynak.
Pry hetym sud nijakim čynam nie paviedamiŭ ni Dzianisu, ni Maksimu pra toje, što sud adbudziecca 5 śniežnia. Chłopcy daviedalisia pra heta vypadkova.
Sudździa paličyŭ bratoŭ vinavatymi ŭ ździajśnieńni administracyjnaha pravaparušeńnia i pryznačyŭ abodvum abaroncam Kurapataŭ štrafy pa 30 bazavych vieličyń kožnamu (heta pa 765 rubloŭ).
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary