Navukoŭcy znajšli redkaje zachvorvańnie, mahčyma, vyklikanaje kureńniem vejpaŭ
Mižnarodnaja hrupa navukoŭcaŭ dyjahnastavali ŭ 49-hadovaj pacyjentki redkaje zachvorvańnie lohkich, jakoje mahło być vyklikana kureńniem elektronnych cyharet, paviedamlaje telekanał Sky News sa spasyłkaj na daśledavańnie, apublikavanaje ŭ navukovym časopisie European Respiratory Journal, piša ria.ru.
U pacyjentki dyjahnastavali pnieŭmakanijoz, vyklikany ŭdychańniem pyłu ciažkich mietałaŭ. Vyjaŭlenaje zachvorvańnie zvyčajna ŭźnikaje ŭ pracaŭnikoŭ ciažkaj pramysłovaści i pryvodzić da fibrozu lohkich, uskładnieńnia dychańnia i chraničnaha kašlu.
«Pacyjentka nie znachodziłasia pad uździejańniem ciažkich mietałaŭ, tamu my zrabili vysnovu, što mahčymaj pryčynaj jaje chvaroby stała kureńnie elektronnych cyharet», — zajaviŭ prafiesar Kalifarnijskaha ŭniviersiteta Kirk Džons.
Analiz lohačnaj tkanki pacyjentki vyjaviŭ, što ŭ vypareńni elektronnaj cyharety ŭtrymlivalisia ślady nikielu, aluminiju, marhancu, śvincu, chromu i kobaltu. Navukoŭcy pryjšli da vysnovy, što ciažkija mietały vyłučylisia pry nahravańni śpirali ŭsiaredzinie vejpu.
Akramia taho, žančyna kuryła vejpy z kanaplanym alejem, što raniej užo pryviało da mnostva vypadkaŭ zachvorvańniaŭ u ZŠA. Vydańnie International Business Times dadaje, što žančyna pražyvaje ŭ Kalifornii.
Kolkaść śmierciaŭ z-za lohačnych zachvorvańniaŭ, vyklikanych kureńniem vejpu, dasiahnuła ŭ ZŠA 40, bolš za 2 tysiačy čałaviek paciarpieli ad lohačnych zachvorvańniaŭ, źviazanych z kureńniem elektronnych cyharet.
Raźviedka ZŠA: Biełaruś stała pieradavym vajskovym płacdarmam Rasii24
Kamientary