Навукоўцы знайшлі рэдкае захворванне, магчыма, выкліканае курэннем вэйпаў
Міжнародная група навукоўцаў дыягнаставалі ў 49-гадовай пацыенткі рэдкае захворванне лёгкіх, якое магло быць выклікана курэннем электронных цыгарэт, паведамляе тэлеканал Sky News са спасылкай на даследаванне, апублікаванае ў навуковым часопісе European Respiratory Journal, піша ria.ru.
У пацыенткі дыягнаставалі пнеўмаканіёз, выкліканы ўдыханнем пылу цяжкіх металаў. Выяўленае захворванне звычайна ўзнікае ў працаўнікоў цяжкай прамысловасці і прыводзіць да фіброзу лёгкіх, ускладнення дыхання і хранічнага кашлю.
«Пацыентка не знаходзілася пад уздзеяннем цяжкіх металаў, таму мы зрабілі выснову, што магчымай прычынай яе хваробы стала курэнне электронных цыгарэт», — заявіў прафесар Каліфарнійскага ўніверсітэта Кірк Джонс.
Аналіз лёгачнай тканкі пацыенткі выявіў, што ў выпарэнні электроннай цыгарэты ўтрымліваліся сляды нікелю, алюмінію, марганцу, свінцу, хрому і кобальту. Навукоўцы прыйшлі да высновы, што цяжкія металы вылучыліся пры награванні спіралі ўсярэдзіне вэйпу.
Акрамя таго, жанчына курыла вэйпы з канапляным алеем, што раней ужо прывяло да мноства выпадкаў захворванняў у ЗША. Выданне International Business Times дадае, што жанчына пражывае ў Каліфорніі.
Колькасць смерцяў з-за лёгачных захворванняў, выкліканых курэннем вэйпу, дасягнула ў ЗША 40, больш за 2 тысячы чалавек пацярпелі ад лёгачных захворванняў, звязаных з курэннем электронных цыгарэт.
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада9
Каментары