Parłamienckaja baraćba: nivodzin deputat nie zachacieŭ stać śpikieram parłamienta
Siońnia pačałosia pieršaje pasiadžeńnie Pałaty pradstaŭnikoŭ siomaha sklikańnia. Na im treba było vybrać śpikiera parłamienta — zajavić svaju kandydaturu moh luby čałaviek.
Ihar Marzaluk vysunuŭ kandydaturu papiaredniaha staršyni Uładzimira Andrejčanki: «Sapraŭdy patryjot Biełarusi, z kałasalnym dośviedam, zaŭzieje za spravu».
Andrejčanka, darečy, kiruje pałataj ad 2008 hoda — try terminy.
Bolš achvotnych nie znajšłosia, suprać nichto nie vystupaŭ.
«Dziakuj vam usim za prajaŭleny davier», — skazaŭ Andrejčanka.
U vyniku za jaho prahałasavali 109 čałaviek, adzin vystupiŭ suprać.
Nahadajem, što ŭčora Alaksandr Łukašenka padčas sustrečy z Andrejčankam paprasiŭ dapamahčy arhanizavać pracu novaha parłamienta.
Kiraŭnik dziaržavy adznačyŭ, što heta prava deputataŭ — vybirać staršyniu Pałaty pradstaŭnikoŭ i jaho namieśnika. «Ale dumaju, što kali vy vykanajecie maje daručeńni zaraz, heta budzie vialiki plus u vaš deputacki partfiel», — padkreśliŭ biełaruski lidar.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary