Žonka futbalista Julija Skšynieckaja: «Moj muž — seks-mašyna. Zrabi tak, kab ja nikoli nie daviedałasia pra tvaje zdrady»
Julija Skšynieckaja, žonka biełaruskaha futbalista Alaksandra Skšynieckaha i byłaja trenierka pa fizpadrychtoŭcy kłuba «Krumkačy», ščyra raskazała pra asabistaje žyćcio i adnosiny sa spartoŭcami ŭ padkaście «Paŭhadziny kardyjo». Pryvodzim samyja cikavyja momanty hutarki.
Pra toje, čamu chejciać žonak futbalistaŭ
«Usie nie lubiać pryhožych. I ŭsie dumajuć: kaniečnie ž, sałony pryhažości, manikiury-piedykiury, zamiežnyja adpačynki, łakšery-žyćcio i ŭsio astatniaje. Ale kali brać biełaruski futboł, heta vielmi śmiešna. Abyvaciel dumaje: usio cudoŭna, pryhoža, takija zarobki, žyvi i radujsia. Tak, jość piaciorka topavych kamand, dzie vielmi dobryja zarobki dla našaj krainy — ad $3000. U astatnich kamandach nie tak, kaniečnie. Byvajuć daŭhi pa vosiem miesiacaŭ, byvaje, što naohuł ničoha nie płaciać.
U pryncypie, 1500 rubloŭ ciapier u biełaruskim futbole, mnie zdajecca, — heta zvyčajny zarobak».
Pra płastyku
«Ničoha strašnaha ŭ padkołatych vusnach niama. Heta suśvietny trend, usie hetym karystajucca. I kali ŭ ciabie jość mahčymaść padoŭžyć žanočuju pryhažość, čamu nie».
Pra seks z futbalistami
«Seks z futbalistami afihienny. Kłasnyja cieły, pačućcie humaru… Ci možna zajmacca seksam pierad hulnioj, usie vybirajuć sami. Kali ty vopytny spartoviec, ty viedaješ, jak tvajo cieła reahuje, budzie tabie karysny seks ci nie. Ja pamiataju, my niejak z mužam zajmalisia seksam, a jon «złamaŭsia» ŭ nastupnaj hulni. Skazaŭ: «Usio, my bolš nie zajmajemsia pierad hulnioj». Doŭha ŭ nas było takoje».
«Ja z mužam navat nie ŭjaŭlu takuju situacyju, kali ja padydu, a jon skaža: «Nie, jaki seks». Jon naadvarot chodzić za mnoj: «Davaj, davaj!» Saša — seks-mašyna. U nas było čatyry razy zapar za dzień».
Pra zdrady
«Ja mužu adrazu skazała: kali łaska, kali niešta budzie, zrabi tak, kab ja pra heta nikoli nie daviedałasia. Nu navošta heta mnie? Muci cicha».
***
«Paŭhadziny kardyjo» — heta padkast pra seks i adnosiny. U papiarednich vypuskach hierojami byli śviecki leŭ Ivan Šyła, majstar šybary i minčanka, u jakoj było bolš za 50 spatkańniaŭ u cindary.
Kamientary