Navukoŭcy zajavili ab poŭnym źniknieńni kitajskich viesłanosaŭ — najbujniejšych presnavodnych ryb sučasnaści. Pra heta paviedamlaje Tut.by sa spasyłkaj na LiveScience.
Vid Psephurus gladius žyŭ u race Janczy. Adna z pryčyn vymirańnia — adsutnaść chutkaha ŭznaŭleńnia. Samki viesłanosaŭ dasiahali pałavoha staleńnia da 6-15 hadoŭ, a samcy — da 12-14 hadoŭ. Adnak u 1970-ja ŭ Janczy viali aktyŭny rybny promysieł. Viesłanosaŭ vyłoŭlivali ŭ vialikich kolkaściach: kala 25 ton u hod. U vyniku da kanca dziesiacihodździa papulacyja ryb značna skaraciłasia, i ŭ 1983 hodzie pramysłovy łoŭ viesłanosaŭ byŭ zabaronieny. Paśla papulacyja skaraciłasia jašče macniej praz zabrudžvańnie vady i budaŭnictva płacin.
«Pakolki niama nivodnaj asobiny ŭ niavoli i nie zachavałasia žyvych tkanak, kab adnavić vid, rybu varta ličyć vymierłaj u adpaviednaści z kryterami Čyrvonaj knihi», — adznačajecca ŭ artykule.
Ličycca, što kitajski viesłanos byŭ samaj bujnoj presnavodnaj rybaj. Daŭžynia cieła mahła pieravyšać try mietry, a masa — 300 kh. Niekatoryja vidavočcy zajaŭlali, što bačyli ryb, jakija dasiahali siami mietraŭ u daŭžyniu i 500 kh u vazie, adnak dakładnych dakumientalnych paćvierdžańniaŭ hetamu niama.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ13
Kamientary