Ukrainskija ŚMI raspaŭsiudzili aŭdyjazapisy nibyta zakrytaj narady premjer-ministra krainy Alaksieja Hančaruka z pradstaŭnikami kabinieta ministraŭ i kiraŭnictvam Nacbanka, dzie jon nazvaŭ siabie i kiraŭnika dziaržavy «prafanami» ŭ ekanomicy, adnak va ŭradzie krainy nie kamientujuć hetuju infarmacyju, piša tass.ru.
«Pres-słužba Kabinieta ministraŭ nie maje infarmacyi ab sapraŭdnaści nivodnaha aŭdyja- abo videazapisu, jakija pašyrajucca ŭ internecie», — paviedamiła ŭ sieradu ŭviečary pres-słužba ŭkrainskaha ŭrada.
Napiaredadni na stvoranym u sieradu YouTube-kanale pad nazvaj «Jak padmanuć prezidenta» byli apublikavanyja aŭdyjaroliki, na jakich nibyta zapisanyja frahmienty niefarmalnaj narady Hančaruka 16 śniežnia 2019 hoda pierad sustrečaj z prezidentam Uładzimiram Zialenskim.
Hołas na aŭdyjazapisie, jaki prypisvajecca Hančaruku, prosić surazmoŭcaŭ dapamahčy jamu rastłumačyć kiraŭniku dziaržavy, čamu ŭmacoŭvajecca hryŭna i jak heta moža adbicca na dziaržaŭnym biudžecie. U svaju čarhu nibyta Hančaruk na zapisie pryznaje, što jon sam — «prafan» u ekanomicy i što ŭ prezidenta «vielmi prymityŭnaje razumieńnie ekanamičnych pracesaŭ».
U druhim zapisie, akramia ŭžo zhadanych asob, nibyta taksama hučać repliki kiraŭnika Minekanomiki Cimafieja Miłavanava i namieśnika kiraŭnika NBU Dźmitryja Sałahuba.
Reakcyi na apublikavanyja zapisy ni z boku aficyjnych asob, ni z boku pravaachoŭnych orhanaŭ pakul nie było.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary