Hramadskaha aktyvista Źmiciera Ševiela napatkała biada — 15 studzienia padčas znachodžańnia ŭ Toruni (Polšča) u jaho zdaryŭsia insult. U toruńskim vajavodskim špitali była zroblenaja składanaja apieracyja, paśla jakoj pacyjent znachodzicca ŭ nieprytomnym ciažkim stanie, piša Radyjo Racyja.
Źmicier Ševiel — siabra niezaležnaha prafsajuza REP i siabra BNF, byŭ zvolnieny ŭ Biełarusi z pracy za hramadskuju dziejnaść i vymušany šukać pracy ŭ zamiežžy.
Ciapier pobač ź im znachodzicca žonka Taćciana.
Situacyja ŭskładniajecca tym, što prybyŭšy na miesca pracaŭładkavańnia, Źmicier jašče nie zajmieŭ miedyčnaj strachoŭki (pracadaŭca tłumačyŭ žoncy, što jašče nie paśpieŭ aformić dakumienty).
U vyniku aproč ciažkoha stanu zdaroŭja moža paŭstać patreba vieści jurydyčnyja sprečki z pracadaŭcam, što vymahaje viedańnia polskaj movy. Za kožny dzień pabytu ŭ špitali i miedyčnuju dapamohu siamji Źmitra naličvajuć vializnyja košty, pakul, jak kaža Taćciana, havorka idzie pra 15 tys. złotych (8 370 biełaruskich).
Hrašovaja dapamoha nieabchodnaja na toje, kab pobač sa Źmicieram u Toruni mahła znachodzicca žonka Taćciana (vydatki na pražyvańnie), a taksama na apłatu miedyčnych pasłuhaŭ, lekaŭ i paślaapieracyjnuju reabilitacyju.
Dapamohu ź biełaruskich kartak možna pieraličyć na admysłovy rachunak praz platformu MOŁAMOŁA. Pierakanajciesia, što vaša bankaŭskaja kartka — heta VISA abo MasterCard, jana vypuščanaja biełaruskim bankam, termin jaje dziejańnia jašče nie skončyŭsia, i na joj majecca nieabchodnaja suma, a taksama padłučanaja pasłuha 3D Secure.
Zbor srodkaŭ u Polščy kaardynujecca praź niaŭradavuju arhanizacyju «Biełaruski dom» — pieraličyć hrošy možna na na rachunak Biełaruskaha Doma: 90 1090 1870 0000 0001 4217 6050 FUNDACJA «BIAŁORUSKI DOM» Ul. Wiejska 13/3 00-480 Warszawa. z paznakaj: «Darowizna na leczenie Zmicera Szewela».
Usie atrymanyja srodki Biełaruski Dom pieradaść žoncy Źmiciera. Infarmacyja pra zbor srodkaŭ u Polščy na biełaruskaj i na polskaj movach dasiažnaja tut. Uvaha: kali pieravod na zamiežny rachunak niemahčymy praz vaš internet-bankinh, to raim źviarnucca ŭ kasu luboha banku dla ažyćciaŭleńnia bankaŭskaha pieravodu na paznačany vyšej polski rachunak
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ17
Kamientary