Adnavilisia sudy nad udzielnikami akcyj suprać «pahłyblenaj intehracyi» z Rasijaj
U sudach Partyzanskaha, Leninskaha i Centralnaha rajonaŭ Minska pryznačanyja pracesy suprać lidara ruchu salidarnaści «Razam» Viačasłava Siŭčyka, kiraŭnika «Narodnaj hramady» Mikoły Statkieviča i hramadskaha dziejača Lavona Barščeŭskaha. Usich ich vinavaciać u «parušeńni paradku praviadzieńnia masavaha mierapryjemstva», piša Radyjo Svaboda
20 studzienia Siŭčyk i Statkievič nie źjavilisia na pracesy. U spravie Statkieviča sudździa Alaksiej Kiślak abviaściŭ pierapynak da 27 studzienia dla vyśviatleńnia miesca znachodžańnia abvinavačanaha. U spravie Siŭčyka ŭ suviazi ź niajaŭkaj padsudnaha hetaksama byŭ abvieščany pierapynak da 27 studzienia.
Siŭčyka źbiralisia sudzić za akcyju suprać pahłybleńnia intehracyi Biełarusi i Rasii 8 studzienia, śviedki-amapaŭcy kazali, što palityk «vykrykvaŭ łozunhi».
Statkieviča chočuć sudzić za mitynh 20 śniežnia minułaha hoda, dzie jon «vykrykvaŭ «Žyvie Biełaruś», jak śćviardžali śviedki-milicyjanty.
Barščeŭskaha sudziać u sudzie Centralnaha rajona, u byłym budynku Biełaruskaha humanitarnaha liceja, adnym z suzasnavalnikaŭ jakoha jon źjaŭlajecca, za pramovy suprać intehracyi padčas letašnich śniežańskich akcyj.
Ciaham śniežnia i napačatku studzienia ŭ haradach Biełarusi išli sudy za akcyi pratestu. Ahulnaja suma štrafaŭ pieravysiła 100 tysiač rubloŭ, bolš za dziasiatak čałaviek asudžanyja ahułam na 240 sutak aryštu.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary