Hreta Tunbierh zarehistravała svajo imia ŭ jakaści handlovaha znaku
Šviedskaja ekałahičnaja aktyvistka Hreta Tunbierh napisała ŭ sieradu ŭ instahramie, što jana padała na rehistracyju svajho imieni ŭ jakaści handlovaha znaku. Taksama jana rehistruje i nazvu «Fridays For Future» («Piatnicy dla budučyni») zasnavanaha joj u 2018-m ruchu školnikaŭ za achovu navakolnaha asiarodździa, jaki prynios dziaŭčyncy suśvietnuju słavu.
Paśla rehistracyi jana zmoža padavać u sud na ludziej i kampanii, jakija pasprabujuć vykarystoŭvać jaje imia ci nazvu inicyjatyvy nie adpaviedna «jaje vartaściam», napisała Hreta.
«Ščyra, ni mnie, ni inšym školnikam-strajkoŭcam handlovyja marki nie patrebnyja. Ale, na žal, heta nieabchodna było zrabić», — napisała Tunbierh.
Zarehistravany budzie i vyraz «Skolstrejk for klimatet» («Školny strajk za klimat» pa-šviedsku) — toj nadpis na płakacie, ź jakim Hreta ŭ 2018-m pačała vychodzić da budynku parłamientu Šviecyi, prapuskajučy zaniatki.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary