Pamiž Biełaruśsiu i Rasijaj isnuje pahroza vajny, bo Maskva moža nie dazvolić biełarusam zastavacca niezaležnymi. Pra heta zajaviŭ kiraŭnik MZS Ukrainy Vadzim Prystajka ŭ intervju češskamu vydańniu Respekt.
«Niekalki hadoŭ tamu ja razmaŭlaŭ ź niekalkimi biełaruskimi žurnalistami, i, kali ja aficyjna zajaviŭ im, što kali jany zachočuć zastacca niezaležnymi, to sutyknucca z takoj samaj vajnoj, takimi ž ciažkaściami i takimi ž pakutami, jak i my, jany nie pavieryli mnie. Mahčyma, ciapier jany mienš sumniavajucca», — skazaŭ ukrainski ministr.
Pry hetym jon dadaŭ, što ŭsio jašče spadziajecca, što hetaha nie adbudziecca.
«Biełarusy spakojnyja i ciarplivyja. Ale my byli spakojnymi i ciarplivymi ludźmi — i heta budzie praciahvacca da taho času, pakul jany nie pačnuć zabivać vas», — dadaŭ Prystajka.
Na jaho dumku, u Biełarusi jość dva varyjanty: «z dapamohaj zamiežnych partnioraŭ być razvažlivymi i spakojnymi — i prajhrać abo pačać zmahacca prosta ciapier».
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie9
Kamientary