18 sakavika ŭ bolej jak sta haradoch Eŭropy i inšych kantynentaŭ majuć adbycca akcyi suprać režymu Łukašenki i ŭ padtrymku demakratyi ŭ Biełarusi. Mierapryjemstva prymierkavanaje da hadaviny niepryznanych mižnarodnaj supolnaściu prezydenckich vybaraŭ u Biełarusi ŭ 2006 hodzie.
Akcyju arhanizujuć mižnarodnaja palityčnaja niaŭradavaja arhanizacyja «Maładyja eŭrapiejskija federalisty» (JEF), jakaja bazujecca ŭ Bruseli, i jaje partnery.
U zakliku da ŭdziełu ŭ akcyi arhanizatary tłumačać, što jana pryśviečanaja mienavita Biełarusi, bo taja źjaŭlajecca apošniaj dyktaturaj u Eŭropie. Ludzi ŭ bolej, čym sta haradoch buduć pratestavać suprać niespraviadlivaha režymu i patrabavać, kab baraćba z dyktaturami była siarod pryjarytetaŭ u zamiežnaj palitycy Eŭraźviazu. «Maładyja eŭrapiejcy nahadajuć našym lideram i hramadzianskaj supolnaści, što Eŭropa – nie svabodny ad dyktaturaŭ kantynent», – padkreślivaje kiraŭnictva «Maładych eŭrapiejskich federalistaŭ».
Siarod haradoŭ, dzie maje adbycca akcyja – Brusel, Praha, Kapenhahien, Paryž, Chelsynki, Berlin, Varšava, Ženeva, Stakholm, Londan, Kijeŭ, Pieciarburh, Ryha, Ńju‑Jork, Dubai, Pretoryja... Što tyčycca Biełarusi, dyk u paviedamleńni havorycca, što akcyja adbudziecca, ale z hledzišča biaśpieki miesca jaje praviadzieńnia zahadzia nie raskryvajecca.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić10
Kamientary