Ułady Biełarusi nie płanujuć inicyjavać pierahlad zaćvierdžanaj u siaredzinie lutaha cany rasijskaha hazu dla krainy ŭ 2020 h., paviedamiła «Interfaks-Zachad» znajomaja z pazicyjaj aficyjnaha Minska krynica.
Jak paviedamlałasia, u minułuju piatnicu Alaksandr Łukašenka zajaviŭ pasłu ŭ Rasii Uładzimiru Siamašku, što pry ciapierašnich umovach na suśvietnym rynku enierhanośbitaŭ rasijski haz dla Biełarusi pavinien kaštavać kala $90 za 1 tys. kub. m. Kiraŭnik krainy daručyŭ pasłu: «U hetym kirunku my pavinny pracavać».
«Heta ŭstanoŭka na pierśpiektyvu. Na hety hod cana ŭstanoŭlena i pierahladacca nie budzie», — skazała krynica.
Pavodle jaje źviestak, urad Biełarusi nie nakiroŭvaŭ u profilnyja viedamstvy daručeńniaŭ, źviazanych ź inicyjatyvami pa pierahladu zaklučanaha z «Hazpramam» kantraktu na pastaŭku hazu ŭ Biełaruś pa letašnim košcie $ 127 za 1 tys. kub.m.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary