Pavodle SAAZ, vypadki zaražeńnia zafiksavany ŭ 72 krainach. Za apošnija 24 hadziny z-za karanavirusa zahinuli 69 čałaviek, jašče 1922 zachvareli.
Suśvietnaja arhanizacyja achovy zdaroŭja (SAAZ) za minułyja sutki zafiksavała bolš za 1,9 tys. novych vypadkaŭ zaražeńnia karanavirusam 2019-nCoV, ź ich bolš za 1,7 tys. za miežami Kitaja. Pra heta paviedamlajecca ŭ vypuščanym u sieradu infarmacyjnym biuleteni arhanizacyi.
Pavodle arhanizacyi, za apošnija sutki va ŭsim śviecie zachvareli 1922 čałavieki. U Kitai, dzie adbyłasia ŭspyška virusa, zarehistravali 130 novych vypadkaŭ zaražeńnia, jašče 1792 čałavieki zachvareli za miežami krainy. Vylečylisia ŭ Kitai 50 tysiač.
Usiaho, pavodle infarmacyi SAAZ, u śviecie paćvierdžana 90 870 vypadkaŭ infikavańnia (80 304 prypadaje na Kitaj, astatnija 10 566 — na inšyja krainy). Ad infiekcyi ŭ Kitai pamierli 2946 čałaviek, za miežami hetaj krainy pamierli 166 pacyjentaŭ, adznačaje arhanizacyja.
Pa danych SAAZ, pa stanie na 3 sakavika vypadki zaražeńnia karanavirusam zafiksavanyja ŭ 72 krainach. Pieršyja vypadki infikavańnia paćvierdzili ŭ vaśmi novych dziaržavach — Partuhalii, Saudaŭskaj Aravii, Tunisie, Maroka, Łatvii, Andory, Iardanii i Sieniehale. Za apošnija 24 hadziny ŭ Kitai zahinuŭ 31 čałaviek, a ŭ astatnim śviecie — 38.
Kolkaść zachvarełych u Italii za ŭvieś čas pieravysiła 2 500 čałaviek, pamierli 79; u Iranie zachvareli 2236, pamierli — 77.
U Francyi zachvareli 274, Hiermanii — 196, Francyi — 165.
U Biełarusi paćvierdžanyja čatyry vypadki zachvorvańnia.
Kamientary