Zialenski: Kali b nie karancin, to chvorych na karanavirus było b značna bolej
Prezident Ukrainy Uładzimir Zialenski zajaviŭ ab efiektyŭnaści ŭviedzienych u krainie karancinnych mier. Pra heta paviedamlaje «Interfaks».
Na dumku Zialenskaha, pamianšeńnie kolkaści tych, chto zaraziŭsia karanavirusam napramuju źviazana z uviadzieńniem karancinu. Jon padkreśliŭ, što biez hetych zachadaŭ Ukraina sutyknułasia b ź vialikaj kolkaściu chvorych, jak heta adbyvajecca ŭ jeŭrapiejskich krainach.
Ukrainski lidar nazvaŭ uradavyja miery pa supraćdziejańni karanavirusu svoječasovymi i pravilnymi.
Z 6 krasavika va Ukrainie stanovicca bolš žorstkim karancin, jaki raniej byŭ praciahnuty da 24 krasavika. U krainie abmiežavany ruch ludziej pa časie znachodžańnia na vulicy, zabaronieny masavyja mierapryjemstvy. Ukraincy abaviazany znachodzicca ŭ hramadskich miescach u srodkach indyvidualnaj abarony. Za adsutnaść masak hramadzian mohuć pryciahnuć da administracyjnaj adkaznaści.
Pavodle apošnich źviestak, va Ukrainie pamierli 38 čałaviek z karanavirusam.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary