Ministerstva achovy zdaroŭja siertyfikavała test-sistemu dla vyjaŭleńnia karanavirusa, stvoranuju viciebskimi raspracoŭščykami, paviedamiŭ Tut.by pradstaŭnik kampanii.
Ministerstva achovy zdaroŭja zarehistravała i dazvoliła prymianieńnie test-sistem, stvoranych viciebskimi raspracoŭščykami, u abychod zvykłych pracedur siertyfikacyi, jakija mohuć zajmać niekalki miesiacaŭ. Paskorany dopusk da vypusku źviazany z aktualnaściu i zapatrabavanaściu padobnych testaŭ, adznačyli ŭ kampanii.
— Ad zaŭtra pačniecca vytvorčaść. Za pieršy dzień zrobim kolkaść testaŭ dla praviadzieńnia tysiačy daśledavańniaŭ. Dalej budziem bolš z vychadam na 10 tysiač [daśledavańniaŭ] u dzień, — raspavioŭ Tut.by Siarhiej Ivanoŭ, kiraŭnik savieta dyrektaraŭ hrupy kampanij «Palimierkanstrukcyja», kudy ŭvachodzić TAA «SIVitał».
Kampanija «SIVitał» u kancy sakavika raspracavała test-sistemy dla vyjaŭleńnia RNK karanavirusa na asnovie PCR-daśledavańnia. Jany dazvalajuć daviedacca vynik na praciahu paŭtary hadziny. Jak paviedamlali raniej pradstaŭniki kampanii, mahutnaści vytvorčaści dazvolać pravodzić da 100 tysiač daśledavańniaŭ u tydzień. Vykarystoŭvać test-sistemy pa vyjaŭleńni karanavirusa buduć pryznačanyja Ministerstvam achovy zdaroŭja śpiecyjalizavanyja łabaratoryi.
Kamientary