Złučanyja Štaty prypynili vypłatu ŭnioskaŭ u Suśvietnuju arhanizacyju achovy zdaroŭja (SAAZ). Pra heta paviedamiŭ u aŭtorak na bryfinhu ŭ Biełym domie prezident ZŠA Donald Tramp, piša tass.ru.
«Siońnia ja daručyŭ administracyi prypynić unioski ŭ SAAZ da praviadzieńnia acenki roli arhanizacyi ŭ drennym kiravańni i ŭtojvańni [źviestak] pra pašyreńnie karanavirusa, — skazaŭ jon. — Usie viedajuć, što adbyłosia. Amierykanskija padatkapłatniki ŭnosili $400-500 młn u hod u biudžet SAAZ. Dla paraŭnańnia: Kitaj płaciŭ $40 młn».
«Adnym z samych niebiaśpiečnych rašeńniaŭ [SAAZ] była krytyka ŭviedzienaj ZŠA zabarony na avijaznosiny z Kitajem i inšymi krainami, — zajaviŭ prezident. — Na ščaście, ja nie prysłuchaŭsia da ich rekamiendacyj i adkłaŭ pieraloty, tym samym vyratavaŭ tysiačy i tysiačy žyćciaŭ <…> Pahladzicie na inšyja krainy, u pryvatnaści Jeŭropy, jakija pasłuchali SAAZ i pakinuli miežy adkrytymi».
Prezident ZŠA abvinavaciŭ SAAZ u tym, što z-za jaje niasłušnych acenak i rekamiendacyj karanavirusam u śviecie zaraziłasia ŭ 20 razoŭ bolš ludziej, čym mahli b.
Pavodle jaho śćviardžeńnia, śpiecyjalisty SAAZ davierylisia infarmacyi kitajskich uładaŭ i paviedamlali, što virus nie pieradajecca ad čałavieka da čałavieka.
«Jany kazali nam, što nieabchodnaści ŭ zabaronach na pieramiaščeńnie niama, kali my ŭviali zabaronu na ŭjezd», — adznačyŭ prezident ZŠA.
«Rašeńnie inšych bujnych krain nie začyniać miežy było adnoj z samych surjoznych trahiedyj i stračanych mahčymaściaŭ na rańnich etapach. Ździajśniajučy napadki ŭ dačynieńni abmiežavańniaŭ na pieramiaščeńnie, SAAZ staviła palityčnuju karektnaść vyšej za vyratavańnie žyćciaŭ», — upeŭnieny amierykanski lidar.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary