Najlepšy ekanamičny scenar 2020 hoda: recesija 3,5% z elemientami finansavaj i cenavaj stabilnaści. Najhoršy scenar: maštabny i zaciažny spad, jaki moža dasiahnuć 18%, piša thinktanks.by.
«Na siońnia ŭsie faktary karotkaterminovaj ekanamičnaj dynamiki spryjajuć źnižeńniu VUP. Peŭny impuls ekanamičnaj aktyŭnaści daje adsutnaść karancinnych mier», — paviedamiŭ staršy navukovy supracoŭnik Centra ekanamičnych daśledavańniaŭ BEROC Dźmitryj Kruk.
U toj ža čas siarod impulsaŭ zapavoleńnia šerah vielmi istotnych pracesaŭ. Heta pravał źniešniaha popytu, naftavy šok, stychijny karancin, źnižeńnie popytu na pracu, adsutnaść stymulujučych mier, tatalnaja niavyznačanaść, reinkarnacyja prablemy drennych daŭhoŭ.
Pa słovach Dźmitryja Kruka, u zaležnaści ad taho, jakim budzie šok dla hłabalnaj ekanomiki i jak budzie prachodzić adnaŭleńnie, isnuje vialikaja varyjatyŭnaść scenaryjaŭ.
Na dumku ekanamista, najlepšy varyjant dla Biełarusi pry dobraj ekanamičnaj palitycy našaj krainy — spad 3,5% VUP.
«Kali ŭsio pojdzie pa samym drennym scenary, plus našy ŭłady buduć vymušanyja abjavić karancin, to hety spad VUP moža być bolš maštabnym», — adznačyŭ Dźmitryj Kruk. Pavodle jaho słoŭ, hetaje padzieńnie moža skłaści da 18% VUP.
«Viłka scenaryjaŭ siońnia dla Biełarusi nie prosta šyrokaja, jana niezvyčajna šyrokaja. Recesija 3,5% na siońnia — heta najlepšaje, što moža adbycca z realistyčnych scenaraŭ», — padkreśliŭ Dźmitryj Kruk.
Jon pryznaŭ, što ŭ hetym razie inflacyja vyjdzie za 5-pracentny dyjapazon, ale, moža być, zastaniecca navat adnaznačnaj.
Imaviernaść takoha scenara budzie zaležać jak ad źniešnich pieradumoŭ, tak i ad dziejańniaŭ biełaruskich uładaŭ.
Najhoršy scenar, pa słovach ekanamista, moža być vyklikany nieadekvatnymi palityčnymi zachadami i drennaj situacyjaj u hłabalnaj ekanomicy.
«Heta — maštabny zaciažny spad VUP, jaki supravadžajecca finansavymi kataklizmami, to-bok paskareńniem inflacyi. I kancavym punktam. Kali my pojdziem pa takim šlachu, na žal, ja heta dapuskaju, dosyć chutka, ale nie ŭ hetym hodzie, my možam pryjści da situacyi suvierennaha defołtu», — paviedamiŭ Dźmitryj Kruk.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary