Karanavirus — pradukt kitajskich ruk? Nobieleŭski łaŭreat ličyć, što tak. Bolšaść navukoŭcaŭ niazhodnyja
Francuzski virusołah Luk Mantańje, uznaharodžany ŭ 2008 hodzie Nobieleŭskaj premijaj pa miedycynie za adkryćcio VIČ, vykazaŭ supiarečlivuju hipotezu pra pachodžańnie Covid-19, piša Le Monde.
U intervju prafiesar kaža, što jon nie vieryć, što Covid-19 źjaviŭsia na rynku pa prodažy dzikich žyvioł. «Heta pryhožaja lehienda, ale heta niemahčyma. Virus źjaviŭsia ŭ łabaratoryi va Uchani», — kaža jon.
«Łabaratoryja horada Uchań śpiecyjalizujecca na hetych karanavirusach z pačatku 2000-ch hadoŭ. U ich jość vopyt u hetaj halinie», — kaža jon.
Prafiesar raskazaŭ, što razam sa svaim kaleham matematykam Žan-Kłodam Pierezam praanalizavaŭ paśladoŭnaść hienomu novaha typu karanavirusa.
Virusołah adznačyŭ, što ŭ padobnych vysnovach jany byli nie pieršymi. Pavodle jaho słoŭ, indyjskija daśledčyki sprabavali apublikavać pracu, u jakoj zajaŭlali, što ŭ hety hienom ustavili častku virusa imunadeficytu čałavieka, vierahodna, kab zrabić vakcynu suprać VIČ.
Varta adznačyć, što ŭ apošnija hady Luk Mantańje maje nieadnaznačnuju reputacyju ŭ navukovych kołach, i jaho zajavu pra COVID-19 sustreli sa skiepsisam.
U 2009 hodzie jon vysunuŭ supiarečlivyja teoryi ab pachodžańni VIČ i jaho pieradačy. U 2017 hodzie 100 akademikaŭ asudzili jaho antyvakcynatarskija pazicyi.
Indyjskija navukoŭcy, na jakich spasyłajecca prafiesar, sami adklikali svaju pracu, bo samastojna paźniej vyjavili, što supolny frahmient novaha karanavirusa i VIČ nasamreč znachodzicca ŭ 15 roznych virusach, siarod jakich virus niektaryna i virus asy. Bolšaść navukoŭcaŭ schilajucca da dumki, što novy virus usio ž uźnik naturalnym šlacham. Štučna stvoranyja virusy isnujuć, ale jany ŭsie zroblenyja davoli prymityŭnym spałučeńniem frahmientaŭ isnujučych pryrodnych virusaŭ.
Redaktary virusaŭ isnujuć, i siarod ich słavuty instrumient Crispr-Cas9, ale, kaža navukoviec Haetan Buržjo (Gaëtan Burgio), jaki sam karystajecca dadzienym redaktaram, «na hienietyčnym uzroŭni ŭ karanavirusie stolki adroźnieńniaŭ, što ich praktyčna niemahčyma było b vykanać z dapamohaj Crispr. Hetaja hipoteza całkam absurdnaja», — kaža Buržjo, hienietyk z Australian National University.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary