Abšyli vahonkaj i pastavili płastykavyja vokny: jak na Stolinščynie niezakonna rekanstrujavali carkvu 18 stahodździa FOTA
U vioscy Ruchča Stolinskaha rajona niezakonna rekanstrujavali carkvu XVIII stahodździa, paviedamiŭ BIEŁTA namieśnik načalnika adździeła pa kaardynacyi dziejnaści arhanizacyj kultury ŭpraŭleńnia kultury Bresckaha abłvykankama Arciom Bruchan.
Draŭlany chram u Ruchčy ŭniesieny ŭ dziaržaŭny śpis historyka-kulturnych kaštoŭnaściaŭ pad nazvaj carkva Rastva Baharodzicy, maje druhuju katehoryju kaštoŭnaści. U budynku spałučajucca elemienty narodnaha dojlidstva i baroka. Ułaśnikam źjaŭlajecca carkoŭny prychod. Biez adpaviednaha dazvołu na abjekcie byli praviedzieny ramontna-restaŭracyjnyja raboty: vonkavyja ścieny ababityja vahonkaj, vokny zamienieny na płastykavyja.
«Byli parušanyja patrabavańni Kodeksa ab kultury. Raboty na historyka-kulturnym abjekcie praviedzieny biez padrychtoŭki prajekta, zaćvierdžanaha Ministerstvam kultury. Vykarastanyja pry restaŭracyi materyjały pavinny być uzhodnieny z raspracoŭščykam prajektna-kaštarysnaj dakumientacyi. Ničoha z hetaha zroblena nie było, što pryviało da peŭnych źmienaŭ źniešniaha vyhladu carkvy», — rastłumačyŭ Arciom Bruchan.
Brescki abłvykankam pryznaŭ: mieła miesca parušeńnie zakanadaŭstva. Adździeł kultury Stolinskaha rajvykankama ciapier rychtuje materyjały dla składańnia pratakołu ab administracyjnym pravaparušeńni.
-
U Minsku pradajuć zvyčajny zvonku dom, ale z bahatym načyńniem: pazałotaj, lapninaj i karcinami na ścienach
-
«Zastałosia ŭsiaho 6 kvater u horadzie». Na vychodnyja 9 maja razabrali arendnyja kvatery ŭ Hrodnie, Breście i Minsku. Ceny ŭražvajuć
-
U Minsku pradajuć niestandartnuju 3-uzroŭnievuju kvateru. Cana moža pryjemna ździvić
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary