Čempijanat Farerskich astravoŭ pačniecca 9 maja. Start pieršynstva byŭ namiečany na 8 sakavika. Paźniej pryniata rašeńnie pieranieści start siezona z-za pandemii karanavirusa, paviedamlaje «Presboł».
«Nam pašancavała, što my chutka ŭziali pad kantrol situacyju z raspaŭsiudžvańniem karanavirusa. Dumaju, heta dobra dla futboła Farerskich vyspaŭ. My možam atrymać dadatkovuju ŭvahu», — raspavioŭ u intervju NRK hulec «KI Kłakśvik» Ole Eryk Midtskohien.
«Na dadzieny momant telepravy na pakaz Farerskaha futboła bolš zapatrabavanyja, čym na anhlijskuju premjer-lihu», — śćviardžaje spartyŭny redaktar TV 2 Viehard Jansien Chahien.
Na Farerskich vyspach pražyvaje kala 50 tysiač čałaviek. Na archipiełahu karanavirus (COVID-19) vyjaŭleny ŭ 185 čałaviek, 176 vyzdaravieli. Pry hetym niama nivodnaj śmierci. 20 krasavika ŭ krainie pačałosia adkryćcio škoł i było abvieščana pra chutki start novaha futbolnaha siezona. Vierahodna, što pieršyja matčy projduć biez hledačoŭ. Čakajecca, što praz tydzień paśla startu vyšejšaj lihi čempijanata Farerskich vyspaŭ adnoviacca hulni pieršaj lihi. Da karancinu, vyklikanaha raspaŭsiudžvańniem karanavirusa, byŭ zhulany adzin tur.
Raniej pra svajo žadańnie adnavić futbolnaje pieršynstvo 9 maja zajaviła bundeśliha, ale kančatkova rašeńnie nie pryniata.
Kamientary