Hanna Šarkunova stała śpiavać pa-biełarusku i zapisała kavier na Michałka. Pahladzicie jaje žyvy vystup VIDEA
U lipieni 2003 hoda byli ŭviedzienyja kvoty na biełaruskuju muzyku ŭ efiry radyjostancyj. Spačatku heta byli 50%, a z 2005 hoda try čverci piesień u ratacyi musili być biełaruskaj vytvorčaści. Hanna Šarkunova była adnoj z najbolš jaskravych pradstaŭnic biełaruskaj pop-sceny, čyje pieśni časta zajmali topavyja pazicyi ŭ chit-paradach.
U apošnija hady Šarkunova pačała aktyŭna źviartacca da biełaruskaj movy, a taksama ździviła šmat kaho niečakanym kavieram na pieśniu «Voiny śvieta» Siarhieja Michałka. Dla vystupu ŭ studyi prahramy Belsat Music Live pop-śpiavačka padrychtavała niečakany płej-list ź biełaruskamoŭnymi kampazicyjami. U im toj samy kavier na «Lapisaŭ», duet sa Źmitrom Vajciuškievičam, najlepšyja chity i nakid pieśni na słovy Uładzimira Niaklajeva.
Na kanale ŭ YouTube možna pasłuchać muzyčnuju častku prahramy. U poŭnaj ž viersii, jakaja raźmieščana ŭ supołkach BML u Facebook i «UKantakcie», Hanna Šarkunova ŭ razmovie ź Miraju Šulc raspaviadaje pra reakcyju Siarhieja Michałka na žanočuju viersii jahonaj pieśni, žyćcio svaich chitoŭ i ich aktualnaść na siońnia, a taksama pra niečakany duet z Vajciuškievičam.
Poŭnaja viersija tut:
UKantakcie — https://vk.cc/at2zfw
Facebook — https://bit.ly/sharkunova
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Kamientary