Vajskoŭcy Rasii i Kitaja admovilisia ad udziełu ŭ paradzie ŭ Minsku
30 krasavika treniroŭki roty hanarovaj varty na praśpiekcie Pieramožcaŭ nie adbudziecca. Jaje pieranieśli na 5 i 6 maja, i projdzie jana na terytoryi vajskovaj kamiendatury va Uruččy. Pra heta Svabodzie paviedamiła pres-sakratar Ministerstva abarony Natalla Haŭrusik.
Taksama Natalla Haŭrusik abvierhła raniejšaje paviedamleńnie Svabody, što napiaredadni, 29 krasavika, nie adbyłosia repietycyi vajskovaj techniki, jakaja budzie zadziejničanaja ŭ paradzie 9 maja.
«Repietycyja adbyłasia ŭčora ŭviečary ŭ raniej pryznačany čas. Jana prajšła ŭ farmacie, jaki zaviecca «piešy pa mašynnamu» — biaz vyjezdu vajskovaj techniki. Heta svojesablivaja rekahnascyroŭka dla miechanikaŭ-kiroŭcaŭ, kali jany pryjazdžajuć vyvučyć maršrut, jakim paźniej paviaduć techniku. Takaja forma praviadzieńnia repetycyj časta vybirajecca pierad tym, jak pačać treniroŭki z technikaj», — skazała Natalla Haŭrusik.
Infarmacyi ab mahčymaj admienie parada jana nie maje.
Raniej płanavałasia, što 9 maja ŭ paradzie, akramia biełaruskich vajskoŭcaŭ i supracoŭnikaŭ MUS, voźmuć udzieł taksama vajskoŭcy z Rasii i Kitaja.
«Vajskovyja viedamstvy Rasii i Kitaja paviedamili, što pryniali rašeńnie nie nakiroŭvać skład dla ŭdziełu ŭ vajskovym paradzie ŭ Minsku 9 maja», — skazała Natalla Haŭrusik.
Pres-sakratarka paŭtaryła, što da 9 maja adbudziecca sama mieniej adna hienieralnaja repetycyja parada, ale jaje datu pakul nie pryznačyli.
Čytajcie taksama:
Nad Minskam prajšła pieršaja pavietranaja repietycyja parada na 9 Maja FOTY
Minabarony: Siarod udzielnikaŭ parada infikavanych niama, praciahvajem padrychtoŭku
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary