Pierapadlik: ad COVID-19 u Italii pamierła ŭdvaja bolš ludziej, čym raniej mierkavałasia
Pavodle aficyjnych danych, u sakaviku ŭ Italii zarehistravali na 49,4% bolš śmiarotnych vypadkaŭ u paraŭnańni ź siaredniemiesiačnym pakazčykam za papiarednija piać hadoŭ, pieradaje ANSA.
Pačynajučy z 20 lutaha, kali byŭ zafiksavany pieršy śmiarotny vypadak ad karanavirusa, i da kanca sakavika śmiarotnaść u Italii vyrasła na 25 354 śmiarotnyja vypadki da 90 946. Siaredni pakazčyk śmiarotnaści z 2015 pa 2019 hod składaje 65 592.
U najbolš paciarpiełych ad karanavirusa pravincyjach zafiksavali samyja vysokija pakazčyki śmiarotnaści: Bierhama (568%), Kremona (391%), Łodzi (371%), Breša (291%) i Pjačenca (264%). Heta značyć, što ŭ Bierhama ŭ hety miesiac pamirała ŭ 5—6 razoŭ bolš ludziej, čym zvyčajna, a pa Italii ŭ cełym — u paŭtara raza bolš ludziej, čym zvyčajna.
Raniej ličyłasia, što ad karanavirusa ŭ Italii da 1 krasavika pamierła kala 13 tysiač čałaviek, abo amal u dva razy mienš, čym daje statystyka rehistracyi śmierciaŭ. Novyja źviestki pakazvajuć, što pandemija źbiraje našmat bolš achviar, čym spačatku mierkavali.
Jość usie padstavy dumać, što i ŭ śviecie ŭ cełym ad novaha karanavirusa pamierła ŭ razy bolš, čym tyja prykładna 250 tysiač, źviestki pra jakija sabrali mižnarodnyja arhanizacyi. Navat u Jeŭropie dakładny padlik u momanty kryzisu byŭ uskładnieny. U tatalitarnych i aŭtarytarnych krainach ža sumlenny padlik uvohule nie viadziecca z palityčnych mierkavańniaŭ.
Pandemija vyjaviłasia bolš śmiarotnaj, čym mnohija mierkavali ŭsiaho niekalki miesiacaŭ tamu.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku27
Kamientary