Premjer Łatvii: Treba abaviazać usich nasić maski i tady źmiakčać abmiežavańni
Častku ŭviedzienych praz pandemiju COVID-19 abmiežavańniaŭ možna prybrać, kali ludzi ŭ hramadskich miescach buduć nasić maski. Takim mierkavańniem u efiry pieradačy «Ranišniaja panarama» na telekanale LTV padzialiŭsia premjer-ministr Łatvii Kryšjanis Karyńš, piša Delfi.lv.
Na jaho dumku, našeńnie masak dazvolić usim bolš aktyŭna pieramiaščacca, nie nadta mocna pavialičvajučy ryzyku zaražeńnia.
Karyńš udakładniŭ, što na pryrodzie masku nasić nie treba — jana maje sens u tych miescach, dzie niemahčyma zachoŭvać dystancyju ŭ dva mietry, naprykład, u hramadskim transparcie.
Premjer padkreśliŭ, što meta našeńnia maski — nie samomu nie zarazicca, a inšych nie zarazić. «Kali, naprykład, u aŭtobusie budzie adzin chvory, i jon čchnie abo kašlanie — kropli zastanucca ŭ mascy i nie trapiać na inšych», — patłumačyŭ jon.
U aŭtorak Karyńš abiacaŭ pastupovaje źmiakčeńnie abmiežavańniaŭ.
U Łatvii za ŭvieś čas zafiksavana 896 vypadkaŭ karanavirusa, z 1 maja, za 5 dzion, pryrost skłaŭ usiaho 26 čałaviek.
896 vypadkaŭ — heta 475 na 1 młn nasielnictva, u Estonii — 1711 (1290 na 1 młn), Litvie — 1423 (523 na 1 młn), u Biełarusi, navat pavodle aficyjnych źviestak, 1942 vypadki na 1 młn čałaviek.
U Łatvii ad karanavirusa pamierli 17 čałaviek, najmienšaja kolkaść z usich krain.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary