Hłybockaha žurnalista Źmitra Łupača vypisali z reanimacyi. Ale ŭ paniadziełak jaho znoŭ adpraviać «na sutki»
Źmitra Łupača vypisali z reanimacyjnaha adździaleńnia Hłybockaj rajonnaj balnicy. Jon trapiŭ tudy paśla sudovaha pracesu, jaki adbyŭsia nad im 11 maja. U žurnalista dyjahnastavali chvarobu serca. Tym nie mienš jaho ŭ paniadziełak adpraviać adbyvać aryšt, paviedamlaje BAŽ.
Pavodle Źmitra, u reanimacyi lekary nazirali za stanam jaho zdaroŭja, kab nie zdaryŭsia infarkt. Za hety čas zrabili abśledavańnie i vyjavili zachvorvańnie serca.
U adroźnieńnie ad umoŭ u izalatary časovaha ŭtrymańnia, dzie nie było mahčymaści narmalna vysypacca, u lakarni naadvarot daviałosia tolki lažać, — kaža žurnalist.
U miedustanovie supracoŭniki milicyi Źmitra Łupača nie achoŭvali, tolki supravadžali mašynu chutkaj dapamohi 11 traŭnia i byli ź im u pryjomnym pakoi. Paśla vypiski ź lakarni žurnalist svabodna z žonkaj dajšoŭ dadomu. A potym pryjechaŭ major milicyi Siarhiej Cyrban i ŭručyŭ sudovuju pastanovu.
U dakumiencie paviedamlajecca, što sud uličyŭ zajavu, jakuju Łupač napisaŭ pierad adjezdam u lakarniu z budynka suda, kali adčuŭ siabie drenna paśla sudovaha słuchańnia. Źmicier prasiŭ u suviazi z paharšeńniem stanu zdaroŭja adterminavać vykanańnie pakarańnia.
Jamu zrabili adterminoŭku da 18 maja. Žurnalist napisaŭ milicyjantam raśpisku, što sam źjavicca ŭ pastarunak u paniadziełak i adbudzie pryznačanaje jamu pakarańnie — 10 sutak aryštu.
«Miedyki paraili znajści spakajniejšuju pracu. Ale dzie jaje ŭ Hłybokim znojdzieš, chiba što vartaŭnikom, i toje nieviadoma, ci spakojnaja heta praca», — sumna žartuje Źmicier.
Nahadajem, 11 maja sudździa Hłybockaha rajonnaha suda Dźmitryj Tarasievič pryznaŭ Źmitra Łupača vinavatym u parušeńni dvuch artykułaŭ Administracyjnaha kodeksa. Za siužet na telekanale «Biełsat» pra drenny ramont Hłybockaha fizkulturna-azdaraŭlenčaha kompleksa sudździa vynies štraf u pamiery 45 bazavych vieličyń pavodle č. 2 art. 22.9 KaAP (niezakonny vyrab i raspaŭsiud pradukcyi ŚMI). A za sustreču z błohieram Siarhiejem Cichanoŭskim žurnalista abvinavacili va ŭdziele ŭ niesankcyjanavanym masavym mierapryjemstvie i pakarali aryštam na 10 sutak.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym8
Kamientary