«A-100» pryviezła z Kitaja bolš za 100 000 masak, akularaŭ i termomietraŭ
Bujnaja partyja srodkaŭ indyvidualnaj abarony, nabytaja hrupaj kampanij «A-100», prybyła ŭ Minsk dla raźmierkavańnia pa miedycynskich ustanovach. Hruzavy samalot z Kitaja dastaviŭ humanitarny hruz, jaki źmiaščaje bolš za 100 000 masak, a taksama akulary i infračyrvonyja termomietry.
Kaštoŭny hruz nabyła i pryviezła ŭ Minsk hrupa kampanij «A-100». Joj udałosia znajści vytvorcu ŭ Kitai i damovicca ab pramoj pastaŭcy. Akramia masak, u partyju ŭvajšli 100 infračyrvonych termomietraŭ i 1000 achoŭnych akularaŭ dla miedykaŭ. Ahulny pamier sponsarskaj dapamohi z boku «A-100 Deviełapmient» za pieryjad sakavik — maj biahučaha hoda pieravysiŭ 500 000 rubloŭ.
Miedycynskija vyraby pryznačanyja dla sistemy achovy zdaroŭja. Ich atrymajuć balnicy ŭ Minsku i rehijonach. U pieršuju čarhu jany pryznačanyja dla abarony miedykaŭ, jakija abśledujuć i lečać chvorych z COVID-19. Srodki indyvidualnaj abarony buduć raźmierkavanyja pamiž Minskaj centralnaj rajonnaj balnicaj, Minskaj abłasnoj kliničnaj balnicaj i DU «Minski navukova-praktyčny centr chirurhii, transpłantałohii i hiematałohii» praparcyjna patrebie kožnaj ustanovy achovy zdaroŭja.
Kampanija pačała akazvać dapamohu sistemie achovy zdaroŭja ŭ suviazi z pandemijaj karanavirusa ŭ pačatku sakavika 2020 hoda. Za hety čas «A-100» pastaŭlała miedycynskija vyraby i srodki indyvidualnaj abarony, a taksama akazvała pramuju sponsarskuju dapamohu. Tak finansavuju padtrymku atrymali Minskaja centralnaja rajonnaja balnica, Respublikanski kliničny miedycynski centr, terytaryjalnyja centry sacyjalnaha absłuhoŭvańnia. Akramia taho, na zapravačnych stancyjach «A-100» było vydadziena bolš za 6000 biaspłatnych abiedaŭ miedykam.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju26
Kamientary