Minadukacyi raspaviało pra nievialikija źmieny ŭ vučebnym pracesie ŭ nastupnym hodzie
U 2020/2021 navučalnym hodzie ŭ typavych vučebnych płanach ahulnaj siaredniaj adukacyi adbuducca niaznačnyja źmieny ŭ kolkaści vučebnych hadzin na vyvučeńnie asobnych vučebnych pradmietaŭ u X kłasie (u paraŭnanni z 2019/2020 hodam), paviedamlaje Mindadukacyi ŭ svaim telehram-kanale.
Źmianieńni źviazany z abnaŭleńniem źmiestu ahulnaj siaredniaj adukacyi, jakoje ažyćciaŭlajecca z 2015/2016 navučalnaha hoda. U 2020/2021 navučalnym hodzie pa abnoŭlenych vučebnych prahramach buduć vučycca vučni Ch kłasa.
Źmieny ŭ navučalnych prahramach pa vučebnych pradmietach abumovili niekatoryja źmieny ŭ typavym navučalnym płanie.
Z 2020/2021 navučalnaha hoda navučalny pradmiet «Čarčeńnie» vyvučajecca ŭ X kłasie. U suviazi z tym, što vyvučeńnie hieahrafii Biełarusi u 2019 hodzie było pieraniesiena ŭ IX kłas, na vyvučeńnie hieahrafii ŭ Ch kłasie vydzielena 1 vučebnaja hadzina. U X-XI kłasach typavym vučebnym płanam praduhledžana vyvučeńnie vučebnaha pradmieta «Infarmatyka» na bazavym (1 hadzina ŭ tydzień) i pavyšanym (3 hadziny ŭ tydzień) uzroŭniach.
Dla I-IX kłasaŭ u typavym navučalnym płanie źmianieńniaŭ u pieraliku navučalnych pradmietaŭ i kolkaści hadzin na ich vyvučeńnie nie adbyłosia. Zachavana mahčymaść vyvučeńnia asobnych vučebnych pradmietaŭ na pavyšanym uzroŭni ŭ VIII-IX (daprofilnaja padrychtoŭka) i X-XI kłasach (profilnaje navučańnie).
Typavy vučebny płan raspracavany z ulikam sanitarna-hihijeničnych patrabavańniaŭ da abaviazkovaj vučebnaj nahruzki na tydzień na navučenca.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»19
Kamientary