Łukašenka raspavioŭ rabočym MTZ, čamu jaho vučyła mama ŭ dziacinstvie, i namiaknuŭ na kankurentaŭ na vybarach
Alaksandr Łukašenka, razmaŭlajučy siońnia z rabotnikami MTZ, raspavioŭ pra svaju pazicyju adnosna prodažu dziaržaŭnaj ułasnaści, pieradaje BIEŁTA.
Jon adznačyŭ, što niekatoryja ludzi ciapier prapanujuć raspradać dziaržaŭnyja pradpryjemstvy, a atrymanyja hrošy nakiravać na reformy.
«Pryhoža hučyć. Ale vy razumiejecie, što ja skazaŭ? Nie ŭsio. Heta značyć, što dziaržułasnaść, jakaja ŭ nas jość, u tym liku hety zavod (jon ža dziaržaŭny), zaŭtra pradaduć, i hetyja hrošy nakirujuć na niejkija reformy. Dumaju (ja ž užo nie pieršy hod prezident): napeŭna, pradaduć, ale hrošy nie pojduć na reformy. My heta ŭžo bačyli ŭ Rasii. Hrošy raskładuć pa kišeniach, budźcie ŭpeŭnienyja», — zajaviŭ kiraŭnik dziaržavy.
Jon padkreśliŭ, što pavalnaja pryvatyzacyja — nie jaho palityka, choć sam jon i nie suprać prodažu dziaržaŭnaj ułasnaści. «Ale spačatku skažycie, kolki vy zapłacicie. A ja padumaju, ci varta i ci treba pradavać heta pradpryjemstva», — adznačyŭ Alaksandr Łukašenka.
«Ja časta ŭspaminaju svaju mamu, jakaja mianie ź dziacinstva vučyła. Ja ŭžo prezidentam staŭ, a jana mianie ŭsio vučyć. Jana mnie zaŭsiody ź dziacinstva kazała: nie čapaj čužoha. Heta zakon u maim žyćci: usio pavinna być spraviadliva i čužoha čapać nielha», — dadaŭ kiraŭnik dziaržavy. U suviazi z hetym jon padkreśliŭ, što nie moža prosta tak raspradavać dziaržaŭnuju ŭłasnaść: bo zavody stvaralisia kalektyvami ludziej, papiarednimi pakaleńniami.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary