«Stralajcie pa kołach, inačaj ničoha nie budzie!» VIDEA pahoni za pjanym kiroŭcam pad Ivacevičami
U Ivacevickim rajonie ŭ piatnicu zatrymali niećviarozaha biaspraŭnika. Pra heta paviedamlaje aficyjny telehram-kanał MUS.
Kala 10-j ranicy vidavočca paviedamiŭ supracoŭnikam DAI, što pa vioscy Stajki ruchajecca biełaja «Mazda» biez rehistracyjnych numaroŭ, za rulom jakoj, imavierna, znachodzicca niećviarozy kiroŭca.
Inśpiektary DAI sprabavali zatrymać aŭto ŭ vioscy Alaksiejki. Adnak na ŭklučanyja probliskavyja majački i patrabavańni spynicca kiroŭca nie reahavaŭ.
Na padmohu pryjšoŭ druhi ekipaž DAI i apieratyŭna-dziažurnaja słužba. Taksama dałučylisia hramadzianie, vystaviŭšy na darozie zasłon z aŭtamabilaŭ, adnak kiroŭcu Mazda atrymałasia abjechać ich pa poli.
Paśla nieadnarazovych papiaredžańniaŭ była vykarystana tabielnaja zbroja. Parušalnika zatrymali na ŭjeździe ŭ viosku Michnavičy. Im akazaŭsia 47-hadovy žychar Ivacevičaŭ. Miedycynski ahlad pakazaŭ najaŭnaść ałkaholu ŭ jaho arhaniźmie. Kiroŭca nieadnarazova zatrymlivaŭsia ŭ pjanym stanie i ŭ mai hetaha hoda pryciahvaŭsia da adkaznaści za jazdu biez pravoŭ, jakich jon nikoli nie mieŭ.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary